"შევარდენის სანაკრებო ბაზაზე" შაბათს საქართველოს რაგბის კავშირის გამგეობის გაფართოებული სხდომა გაიმართა, სადაც რამდენიმე მნიშვნელოვანი გადაწყვეტილება მიიღეს. მრავალსაათიანი თათბირისა და დავა-კამათის შემდეგ დადგინდა, რომ საქართველოს ჩემპიონატის უმაღლეს და პირველ ლიგაში მომავალ სეზონში ათ-ათი გუნდი ითამაშებს.
ამასთან ერთად, გადაწყდა, რომ შეიცვლება ჩემპიონატის გამართვის დრო და ის შემოდგომა-გაზაფხულის პრინციპით ჩატარდება. გამგეობის გაფართოებული სხდომის კიდევ ერთი განსახილველი თემა საქართველოს ნაკრების მომავალი მწვრთნელის ვინაობა იყო. ამ საკითხთან დაკავშირებით გადაწყვეტილებას რაგბის კავშირი უახლოეს დღეებში მიიღებს.
ყოველდღიური სპორტული გაზეთი "ლელო"
