გაზაფხულის ტურნირის პირველი ეტაპი, პირველი ლიგის გუნდების მონაწილეობით, დასრულდა. მეორე ეტაპზე თამაშის უფლება, რომელშიც უმაღლესლიგელებიც ჩაერთვებიან, ქუთაისის "ბაგრატმა" და თბილისის "თიბისიმ" მოიპოვეს. თბილისურმა გუნდმა აღმოსავლეთ ზონაში გაიმარჯვა. აქ გათამაშება ერთი კვირის წინ დასრულდა. "თიბისიმ" და თბილისის "ხულიგანამ" ერთნაირი, 10-10 ქულა დააგროვეს, მაგრამ რადგან უერთიერთშეხვედრაში "თიბისიმ" აჯობა, პირველობაც მას ერგო. ახლა ეს გუნდი 1 აპრილიდან უმაღლესლიგელთა პაექრობაში ჩაერევა. თბილისელები B ჯგუფში მოხვდნენ, სადაც პირველი ტურის მატჩს სტუმრად გამართავს ფოთში, ქუთაისის "აიასთან".
ამავე ჯგუფში "ლოკომოტივი" ავჭალაში "ყოჩებს" დაუპირისპირდება, რუსთავის "ხარები" კი უმაღლესი
აღმოსავლეთი
სატურნირო მდგომარეობა
1. თიბისი - 10 ქულა, 2. ხულიგანა - 10, 3. დევები - 8, 4. ვეფხვები - 1.
დასავლეთის ზონაში გათამაშება გასულ უქმეებზე დასრულდა. ბოლო ტურის მატჩების გარდა, გაიმართა გადატანილი შეხვედრაც. სამწუხაროდ, სენაკში მაყურებელთა აგრესიული ქმედების გამო ჩაიშალა შეხვედრა ადგილობრივ "ნოქალაქევსა" და ოზურგეთის "არწივებს" შორის.
პირველობა ზონაში არავის დაუთმო ქუთაისის "ბაგრატმა", რომელიც მეორე ეტაპზე A ჯგუფში იასპარეზებს. ამ გუნდის პირველი შეხვედრა სტუმრად "არმიასთან" გადაიდო, რადგან არმიელთა წამყვანი მოთამაშეები საქართველოს A ნაკრებთან ერთად იმყოფებიან ბრიტანულ ტურნეში. ამავე მიზეზით გადაიდო თბილისური გუნდების, "ლელოსა" და "აკადემიას" დაპირისპირებაც.
A ჯგუფში 31 მარტს ერთი შეხვედრა გაიმართება - თბილისის "არმაზი" შინ "ბათუმი XV"-ს მიიღებს.
დასავლეთი
V ტური
ჯრუჭი-ბაგრატი 3:45, ნოქალაქევი-არწივები (ჩაიშალა).
გადატანილი
რაინდები-ნოქალაქევი 36:6.
სატურნირო მდგომარეობა
1. ბაგრატი - 24 ქულა, 2. დელფინები - 19, 3. რაინდები - 13, 4. არწივები - 6, 5. ნოქალაქევი - 0, 6. ჯრუჭი - 0.
II ეტაპი. I ტური
A ჯგუფი
არმია-ბაგრატი (გადაიდო), ლელო-აკადემია (გადაიდო), არმაზი-ბათუმი XV
B ჯგუფი
ლოკომოტივი-ყოჩები, ხარები-ჯიქები, აია-თიბისი
ყოველდღიური სპორტული გაზეთი "ლელო"
