შვიდკაცა რაგბის საქართველოს ჩემპიონატი თბილისის "აკადემიის" გამარჯვებით დასრულდა. შეჯიბრება, ისევე, როგორც შარშან, სამ ეტაპად წარიმართა. აკადემიელებმა ჯამში 54 სარეიტინგო ქულა მოაგროვეს და თბილისის "ლელოს" 2 ქულით გაუსწრეს. აღსანიშნავია, რომ ლელოელებმა ორი ეტაპი დაუმარცხებლად განვლეს და გათამაშებას დამაჯერებლად ლიდერობდნენ. თუმცა მესამე ეტაპზე, ჯგუფურ ტურნირში ქუთაისის "აიასთან" ერთადერთი მარცხის გამო (14:19) პირველობისთვის მებრძოლ ოთხეულში ვერ მოხვდა და საბოლოოდ მეხუთე ადგილი დაიკავა. ეს საკმარისი აღმოჩნდა საიმისოდ, რომ მესამე ეტაპის გამარჯვებულ "აკადემიას" საერთო ჩათვლაში ყველაზე მეტი სარეიტინგო ქულა დაეგროვებინა.
აკადემიელებმა, რომლებიც B ჯგუფში ასპარეზობდნენ,
A ჯგუფში კი თანაბარი, 6-6 ქულა ერთბაშად სამმა გუნდმა, "ლელომ", ქუთაისის "აიამ" და "ბათუმი XV"-მა დააგროვეს. როგორც უკვე აღვნიშნეთ, ლელოელებმა ქუთათურებთან წააგეს, რომლებიც, თავის მხრივ, ვერას გახდნენ ზღვისპირელებთან - 12:14. სამაგიეროდ, "ბათუმი XV"-ს "ლელომ" სძლია - 7:5.
ჯგუფში ადგილების გასანაწილებლად ურთიერთშეხვედრებში ნაჩვენები შედეგები გახდა დასათვლელი. ლელოელებს მეტოქეებთან შედარებით დეფიციტში 2 ქულა აღმოაჩნდათ და, შესაბამისად, მესამე ადგილს დასჯერდნენ.
ნახევარფინალში "აკადემიამ" იოტისოდენა შანსი არ დაუტოვა A ჯგუფის მეორეადგილოსან "ბათუმი XV"-ს - 21:0. მეორე წყვილში კი ქუთაისის "აიამ" დაძაბულ ბრძოლაში დაამარცხა თბილისის "ლოკომოტივი" - 19:14.
ფინალი, როგორც მოსალოდნელი იყო, საკმაოდ დაძაბულ, უშეღავათო ბრძოლაში წარიმართა და თბილისურმა გუნდმა ქუთათურებს ხუთი ქულის სხვაობით სძლია - 12:7.
ამრიგად, შვიდკაცა რაგბის საქართველოს ჩემპიონატის მესამე ეტაპი თბილისის "აკადემიამ" მოიგო და საქართველო ჩემპიონის ტიტული პირველად მოიპოვა.
III ეტაპი
A ჯგუფი
რაინდები-ლელო 0:63, აია-ბათუმი XV 12:14, ლელო-ყოჩები 26:12, აია-რაინდები 43:0, ბათუმი XV-ყოჩები 36:7, ლელო-აია 14:19, ბათუმი XV-რაინდები 21:17, აია-ყოჩები 19:14, ლელო-ბათუმი XV 7:5, ყოჩები-რაინდები 31:0.
სატურნირო მდგომარეობა
1. აია - 6 ქულა, 2. ბათუმი XV - 6, 3. ლელო - 6, 4. ყოჩები - 2, 5. რაინდები - 0.
B ჯგუფი
არწივები-აკადემია 5:40, ლოკომოტივი-ბაგრატი 26:12, აკადემია-ჯიქები 5:5, ლოკომოტივი-არწივები 38:0, ბაგრატი-ჯიქები 14:27, აკადემია-ლოკომოტივი 21:5, ბაგრატი-არწივები 21:12, ლოკომოტივი-ჯიქები 24:14, აკადემია-ბაგრატი 14:5, ჯიქები-არწივები 31:0.
სატურნირო მდგომარეობა
1. აკადემია - 7 ქულა, 2. ლოკომოტივი - 6, 3. ჯიქები - 5, 4. ბაგრატი - 2, 5. არწივები - 0.
ნახევარფინალი
აია-ლოკომოტივი 19:14, აკადემია-ბათუმი XV 21:0
III ადგილისთვის
ლოკომოტივი-ბათუმი XV 26:5
ფინალი
აკადემია-აია 12:7
საბოლოო მდგომარეობა
1. აკადემია, 2. აია, 3. ლოკომოტივი, 4. ბათუმი, 5. ლელო, 6. ყოჩები, 7. ჯიქები, 8. ბაგრატი, 9. რაინდები, 10. არწივები.
სამი ეტაპის ჯამი
1. აკადემია - 54 ქულა, 2. ლელო - 52, 3. ლოკომოტივი - 46, 4. აია - 44, 5. ბათუმი - 38, 6. ბაგრატი - 28, 7. ჯიქები - 28, 8. ყოჩები - 22, 9. რაინდები - 8, 10. ხულიგანა - 6, 11. არმაზი - 2, 12. არწივები - 2.
ყოველდღიური სპორტული გაზეთი "ლელო"
