საქართველოს სარაგბო ჩემპიონატი: დაუმარცხებელი "ხარები" და "თიბისი"

საქართველოს ჩემპიონატის პირველ ლიგაში მეოთხე ტურის შეხვედრები გაიმართა.

დაუმარცხებელი ერთი გუნდიღა დარჩა. ეს თბილისის "თიბისია", რომელმაც აქამდე სამი შეხვედრა ჩაატარა და სამივე მოიგო.

საქართველოს ჩემპიონატის I ლიგა
მე-4 ტურში "თიბისის" მეტოქე სამოყვარულო გუნდი თბილისის "დევები" იყო, რომელმაც მეტოქეს მხოლოდ ერთი ლელო გაუტანა.

გათამაშების ლიდერმა მოყვარულების წინააღმდეგობის დაძლევა მაინც მოახერხა და 26:5 დაამარცხა.

"თიბისის" სამი ქულით ჩამორჩებიან და მეორე-მეოთხე ადგილებს იყოფენ თბილისის "დინამო", პატარძეულის "ვეფხვები" და გარდაბნის "მგლები".

დინამოელები მეოთხე ტურში თბილისის "ხულიგანასთან" დამარცხდნენ - 14:26. პატარძეულელებმა კი შინ მოუგეს "მგლებს" დიდი ანგარიშით - 50:10.

კიდევ ერთ შეხვედრაში "ტორნადომ" დაძაბულ ბრძოლაში სძლია აუტსაიდერ "უნივერსიტეტს" - 8:5.

აღმოსავლეთი ზონა
IV ტური
ხულიგანა-დინამო 26:14, უნივერსიტეტი-ტორნადო 5:8, თიბისი-დევები 26:5, ვეფხვები-მგლები 50:10.

სატურნირო მდგომარეობა
1. თიბისი - 13 ქულა, 2. დინამო - 10, 3. ვეფხვები - 10, 4. მგლები - 10, 5. ხულიგანა - 9, 6. ტორნადო - 8, 7. ივერია - 8, 8. დევები - 5, 9. უნივერსიტეტი - 1.

V ტური
ვეფხვები-უნივერსიტეტი, ივერია-ხულიგანა, დინამო-თიბისი, დევები-მგლები

დასავლეთი ზონა
30 სექტემბერი
I ტური
ბაგრატი-მარტვილი, რაინდები-დელფინები, არწივები-ჯრუჭი.

ჭაბუკთა A ლიგა
ჭაბუკთა A ლიგაში XI ტურის შემდეგ ორივე ჯგუფში დაუმარცხებელი ერთადერთი გუნდია, რუსთავის "ხარები", რომელმაც უშუალო კონკურენტ თბილისის "აკადემიას" უმძიმეს ბრძოლაში 10:6 მოუგო და სატურნირო ცხრილს სათავეში მოექცა.

ამავე B ჯგუფში "არმიამ" დიდი ანგარიშით სძლია "ყოჩებს" - 48:0. თბილისის "ხულიგანა" არ გამოცხადდა ოზურგეთში "არწივებთან" სათამაშოდ.

A ჯგუფს დამაჯერებლად ლიდერობს "ქუთაისი", რომელმაც შინ დიდი ანგარიშით დაამარცხა თბილისის "ივერია" - 62:10. ქუთათურებს 41 ქულა დაუგროვდათ.

მათ შვიდი ქულით ჩამორჩება და მეორე ადგილზეა "ჯიქები", რომელმაც "ლელოს" მოუგო -15:3.

კიდევ ერთ შეხვედრაში "ლოკომოტივმა" აუტსაიდერ "წიქარას" სძლია - 37:0.

A ჯგუფი
XI ტური
ჯიქები-ლელო 15:3, ლოკომოტივი-წიქარა 37:0, ქუთაისი-ივერია 62:10.

სატურნირო მდგომარეობა
1. ქუთაისი - 41 ქულა, 2. ჯიქები - 34, 3. ლელო - 32, 4. ივერია - 28, 5. ლოკომოტივი - 20, 6. ჯვაროსნები - 5, 7. წიქარა - 0.

XII ტური
ლელო-ჯვაროსნები, ივერია-ჯიქები, ლოკომოტივი-ქუთაისი

B ჯგუფი
ხარები-აკადემია 10:6, არმია-ყოჩები 48:0, არწივები-ხულიგანა (ხულიგანა არ გამოცხადდა).

სატურნირო მდგომარეობა
1. ხარები - 39 ქულა, 2. აკადემია - 38, 3. არმია - 27, 4. არწივები - 26, 5. ხულიგანა - 19, 6. ყოჩები - 7, 7. იმერეთი - 5.

XII ტური
ყოჩები-არწივები, არმია-ხარები, აკადემია-იმერეთი

ჭაბუკთა B ლიგა
ჭაბუკთა B ლიგაში მეორე ჯგუფური ეტაპის პირველი ტურის მატჩები გაიმართა. A ჯგუფის ორივე მატჩში ფავორიტებმა მშრალი ანგარიშით მოიგეს.

თბილისის "ჯიქებმა" შინ დაამარცხეს ქუთაისის მესამე გუნდი - 31:0. თბილისის ხულიგანამ კი სტუმრად, ფოთში "რაინდებს" მოუგო - 25:0.

A ჯგუფი
ჯიქები-ქუთაისი 3 31:0, რაინდები-ხულიგანა 0:25

სატურნირო მდგომარეობა
1. ჯიქები - 5 ქულა, 2. ხულიგანა - 5, 3. რაინდები - 0, 4. ქუთაისი 3 - 0.


B ჯგუფის შეხვედრები ბევრად უფრო დაძაბული გამოდგა.

თბილისის "აკადემიამ" ქუთაისის პირველ გუნდს შინ დააყრევინა ფარ-ხმალი - 17:5. სამაგიეროდ, ქუთაისის მეორე გუნდმა ასევე შინ მინიმალური სხვაობით მოუგო რუსთავის "ხარებს" - 18:17.

B ჯგუფი
აკადემია-ქუთაისი 1 17:5, ქუთაისი 2-ხარები 18:17

სატურნირო მდგომარეობა
1. აკადემია - 4 ქულა, 2. ქუთაისი 2 - 4, 3. ხარები - 1, 4. ქუთაისი - 0.

II ტური
ხულიგანა-ჯიქები, აკადემია-ხარები, ქუთაისი 3-რაინდები, ქუთაისი 1-ქუთაისი 2.

(იბეჭდება მცირე ცვლილებით)
ყოველდღიური სპორტული გაზეთი "ლელო"