განახლდა საქართველოს ჩემპიონატი პირველ ლიგაში. შეგახსენებთ, რომ აქ ტურნირი დასავლეთ და აღმოსავლეთ ზონებში მიმდინარეობს. აღმოსავლეთში ფინალურ ოთხეულში გასასვლელად ცხრა გუნდი იბრძვის, დასავლეთში - ექვსი.
დასკვნით სტადიაზე ორ-ორი საუკეთესო ორ წრედ ითამაშებს და პირველ-მეორე ადგილებზე გასულები უმაღლეს ლიგაში ორ აუტსაიდერს გადასასვლელ მატჩებში დაუპირისპირდებიან.
აღმოსავლეთ ზონაში მე-13 ტურის მატჩები გაიმართა. აღსანიშნავია, რომ ტურის ოთხი თამაშიდან ოთხივეში სტუმრებმა გაიმარჯვეს. გათამაშების ლიდერმა "თიბისიმ" სამოყვარულო კლუბი თბილისის "დევები" დაამარცხა დიდი ანგარიშით - 70:0.
"თიბისის", რომელიც დღემდე დაუმარცხებლად ასპარეზობს, ამ გამარჯვების შემდეგ 52 ქულა დაუგროვდა და
დასავლეთ ზონაში ექვსი ტურის შემდეგ 29 ქულით ქუთაისის "ბაგრატი" ლიდერობს, რომელმაც სტუმრად დაამარცხა აუტსაიდერი "მარტვილი" - 52:7.
ქუთათურებს შვიდი ქულით ჩამორჩება ფოთის "რაინდები", რომელმაც ასევე სტუმრად შეძლო უშუალო კონკურენტთან, ბათუმის "დელფინებთან" მოგება - 14:12.
"დელფინები" ფოთურ გუნდს ახლა ხუთი ქულით ჩამორჩება. ფინალურ ოთხეულში გამსვლელთა ვინაობა, სავარაუდოდ, სწორედ ამ სამეულის დავაში გაირკვევა.
I ლიგა
აღმოსავლეთი ზონა
XIII ტური
დევები-თიბისი 0:70, მგელები-ვეფხვები 7:94, დინამო-ხულიგანა 7:13, ტორნადო-უნივერსიტეტი 7:10
სატურნირო მდგომარეობა: 1. თიბისი - 52 ქულა 2. ვეფხვები - 39, 3. ხულიგანა - 38, 4. ივერია - 32, 5. დინამო - 30, 6. მგლები - 23, 7. ტორნადო - 15, 8. დევები - 15, 9. უნივერსიტეტი - 6.
XIV ტური
მგლები-დევები, ხულიგანა-ივერია, უნივერსიტეტი-ვეფხვები, თიბისი-დინამო.
დასავლეთი ზონა
VI ტური
მარტვილი-ბაგრატი 7:52, დელფინები-რაინდები 12:14, ჯრუჭი-არწივები 10:20.
სატურნირო მდგომარეობა: 1. ბაგრატი - 29 ქულა, 2. რაინდები - 22, 3. დელფინები - 17, 4. არწივები - 14, 5. ჯრუჭი - 4, 6. მარტვილი - 1.
VII ტური
რაინდები-მარტვილი, ჯრუჭი-დელფინები, არწივები-ბაგრატი.
* * *
კალენდარი დადგინდა
ამასობაში დამტკიცდა უმაღლესი ლიგის საგაზაფხულო ეტაპის კალენდარი. ჩემპიონატის მე-13 ტურის მატჩები 16 თებერვალს განახლდება.
მეორე ეტაპის პირველივე დღეს ორი ცენტრალური მატჩი გაიმართება. გათამაშების ლიდერი თბილისის "ლელო" მეორეადგილოსანს, საქართველოს ჩემპიონსა და თასის მფლობელს, "არმიას" დაუპირისპირდება.
ორივე გუნდი ჩემპიონატის განახლებას დანაკარგით ხვდება. ლელოელთა რიგებში დისკვალიფიკაციის გამო არ ითამაშებს შერკინების ბურჯი მიხეილ სუჯაშვილი, რომელიც ამ გუნდისთვის უდიდესი ძალაა და მის გარეშე ჩემპიონატის ლიდერის მორკინალთა მარგი ქმედების კოეფიციენტი მნიშვნელოვნად შემცირდება.
ორი მორაგბე დააკლდა "არმიას". ცხრა ნომერი ბიძინა სამხარაძე და პირველხაზელი გიორგი ხოსიტაშვილი რუმინეთის ჩემპიონ "ტიმიშოარაში" გადაბარგდნენ.
არმიელები ამჟამად თურქეთში იმყოფებიან საწვრთნელ შეკრებაზე, სადაც რუსეთის ჩემპიონთან, კრასნოიარსკის "ენისეისთან" ორ საწვრთნელ მატჩს გამართავენ. "ლელო" კი თბილისში ემზადება.
მეორე, საკმაოდ საინტერესო დაპირისპირება ქუთაისში გაიმართება, სადაც ტრადიციული მეტოქეები - "აია" და ქვეყნის მრავალგზის ჩემპიონი თბილისის "ლოკომოტივი" ითამაშებენ. ამ გუნდების შემადგენლობაში სერიოზული ცვლილება არ მომხდარა.
ორივემ რამდენიმე ახალგაზრდა მოთამაშე დაიმატა, რომლებიც თავიანთი სკოლის აღზრდილები არიან.
რკინიგზელებს ტრავმის გამო დააკლდებათ საქართველოს ნაკრების მესამეხაზელი გივი ბერიშვილი.
ქუთაისელთა რიგებში კი, შესაძლოა, ვერ ითამაშოს გუნდის მოთამაშე მწვრთნელმა ბესიკ ხამაშურიძემ, რომელმაც ზამთრის არდადეგებზე მენისკის ოპერაცია გაიკეთა.
უმაღლესი ლიგა
XIII ტური. 16 თებერვალი. ჯიქები-აკადემია, არმაზი-ბათუმი, ხარები-ყოჩები, ლელო-არმია, ლოკომოტივი-აია.
XIV ტური. 24 თებერვალი. აკადემია-ყოჩები, არმია-არმაზი, ჯიქები-ლოკომოტივი, აია-ლელო, ბათუმი-ხარები.
XV ტური. 2 მარტი. ყოჩები-ჯიქები, არმაზი-აია, აკადემია-ბათუმი, ლელო-ლოკომოტივი, ხარები-არმია.
XVI ტური. 23 მარტი. არმია-აკადემია, აია-ხარები, ბათუმი-ყოჩები, არმაზი-ლოკომოტივი, ჯიქები-ლელო.
XVII ტური. 30 მარტი. აკადემია-აია, ჯიქები-ბათუმი, ყოჩები-არმია, ხარები-ლოკომოტივი, ლელო-არმაზი.
XVIII ტური. 6 აპრილი. აია-ყოჩები, ლოკომოტივი-აკადემია, არმაზი-ჯიქები, ხარები-ლელო, ბათუმი-არმია.
სატურნირო მდგომარეობა:
1. ლელო - 52 ქულა, 2. არმია - 50, 3. აია - 40, 4. არმაზი - 38, 5. ლოკომოტივი - 27, 6. ჯიქები - 26, 7. ხარები - 16, 8. ბათუმი - 14, 9. აკადემია - 14, 10. ყოჩები - 7.
ყოველდღიური სპორტული გაზეთი "ლელო"
