საქართველოს ჩემპიონატის პირველ ლიგაში, დასავლეთ ზონაში, რეგულარული გათამაშების დასრულებამდე ერთი ტურით ადრე მომდევნო ეტაპზე გასული ორი გუნდის ვინაობა გაირკვა. ქუთაისის "ბაგრატი" და ფოთის "რაინდები" აღმოსავლეთი ზონის გამარჯვებულთან, თბილისის "თიბისისთან" ერთად უმაღლეს ლიგაში გადასვლისთვის ბრძოლას განაგრძობენ. დასადგენია კიდევ ერთი გუნდი, რომელიც ამ ტრიოს შეუერთდება.
აღმოსავლეთ ზონაში რეგულარული გათამაშების დასრულებამდე ორი ტური დარჩა. მეორე ადგილისთვის აქ პატარძეულის "ვეფხვები" და თბილისის "ივერია" იბრძვიან. პატარძეულელებს მეორე ადგილზე დასამკვიდრებლად ერთი გამარჯვება სჭირდებათ.
მე-16 ტურში "ვეფხვებმა" სტუმრად დაამარცხეს კონკურენტი თბილისის "ხულიგანა" - 29:11 და გზიდან ჩამოიცილეს.
I ლიგა
აღმოსავლეთი ზონა
XVI ტური
თიბისი-ტორნადო 100:3, დინამო-მგლები 54:10, ხულიგანა-ვეფხვები 11:29, დევები-ივერია 0:31.
სატურნირო მდგომარეობა
1. თიბისი - 64 ქულა, 2. ვეფხვები - 49, 3. ივერია - 43, 4. ხულიგანა - 42, 5. დინამო - 39, 6. მგლები - 23, 7. დევები - 20, 8. ტორნადო - 14, 9. უნივერსიტეტი - 11.
XVII ტური
ივერია-დინამო, ტორნადო-დევები, უნივერსიტეტი-ხულიგანა, ვეფხვები-თიბისი.
დასავლეთ ზონაში, როგორც უკვე ვთქვით, ყველაფერი დასრულდა. ბოლოსწინა ტურში პირველადგილოსანმა ქუთაისის "ბაგრატმა" შინ დაამარცხა საჩხერის "ჯრუჭი" - 57:17.
ფოთის რაინდებმა კი ასევე შინ სძლიეს ოზურგეთის "არწივებს" - 29:14. ამდენად, ბოლო ტური ამ ზონაში უბრალო ფორმალობაა.
დასავლეთი ზონა
IX რაუნდი
ბაგრატი-ჯრუჭი 57:17, რაინდები-არწივები 29:14, დელფინები-მარტვილი 72:0.
სატურნირო მდგომარეობა
1. ბაგრატი - 44 ქულა, 2. რაინდები - 35, 3. დელფინები - 22, 4. არწივები - 18, 5. ჯრუჭი - 8, 6. მარტვილი - 1.
X ტური
მარტვილი-ჯრუჭი, არწივები-დელფინები, ბაგრატი-რაინდები
ყოველდღიური სპორტული გაზეთი "ლელო"
