ივნისში გასამართი "თბილისის თასის" გათამაშებაში საქართველოს ნაკრების წინასწარ გამოცხადებულ შემადგენლობაში რამდენიმე ცვლილებაა. "ბორჯღალოსანთა" თავკაცმა მილტონ ჰეიგმა საბოლოო სია გამოაქვეყნა.
აქამდე გაცხადებულ სიაში სამი ახალი მორაგბეა: პირველ ხაზში "არმიას" შერკინების კვაჭის, შალვა მამუკაშვილის ნაცვლად, ფრანგული "ბაგნერეს" მორკინალს სიმონ მაისურაძეს უხმეს.
შერკინების ბურჯ მიხეილ ნარიაშვილს (მონპელიე) კი "კასტრის" პირველხაზელი ანტონ ფეიქრიშვილი შეცვლის, რომელსაც ეროვნულ გუნდში ორი წელიწადია, არ უთამაშია.
ეროვნულ ნაკრებში გამოიძახეს "ალბის" მეორეხაზელი ვახტანგ მაისურაძე. მან არმიელი ბექა ბიწაძის ადგილი დაიკავა.
საქართველო
პირველი ხაზი: ანტონ ფეიქრიშვილი (კასტრი), დავით ქუბრიაშვილი, ლევან ჩილაჩავა
მეორე ხაზი: გიორგი ჩხაიძე (ტარბი), კონსტანტინე მიქაუტაძე (ტულონი), ლაშა ლომიძე (მონპელიე), ვახტანგ მაისურაძე.
მესამე ხაზი: გიორგი ნემსაძე (ტარბი), ვიქტორ კოლელიშვილი (კლერმონი), დიმიტრი ბასილაია (ედინბურგი), შალვა სუთიაშვილი (მასი).
#9: ვაჟა ხუციშვილი (ხარები), გიორგი ბეგაძე (ბათუმი)
#10: ლაშა ხმალაძე (ლელო)
#11-14: თამაზ მჭედლიძე (მონ დე მარსანი), გიორგი ფრუიძე (აია), ირაკლი მაჩხანელი (არმაზი).
#12-13: დავით კაჭარავა (როდეზი), მერაბ შარიქაძე (აკადემია), თედო ზიბზიბაძე (პერიგო).
#15: ბექა წიკლაური (ლოკომოტივი), მერაბ კვირიკაშვილი (სენ ჟუნიენი).
თბილისის თასი
7 ივნისი
ურუგვაი-სამხრეთ აფრიკის საპრეზიდენტო ნაკრები
საქართველო-მზარდი ირლანდია
11 ივნისი
მზარდი ირლანდია-სამხრეთ აფრიკის საპრეზიდენტო ნაკრები
საქართველო-ურუგვაი
16 ივნისი
ურუგვაი-მზარდი ირლანდია
საქართველო-სამხრეთ აფრიკის საპრეზიდენტო ნაკრები
ყოველდღიური სპორტული გაზეთი "ლელო"
ასევე იხილეთ:
ურუგვაის ნაკრებმა "თბილისის თასისთვის" შემადგენლობა დაასახელა
IRB თბილისი cup 2013: სამხრეთ აფრიკა და ირლანდია ემზადებიან
"ბორჯღალოსნების" მეტოქემ, არგენტინის ნაკრებმა შემადგენლობა დაასახელა
"ბორჯღალოსნების" შემადგენლობა თბილისის ტურნირისთვის ცნობილია
