როგორც ფრანგული ყოველდღიური სარაგბო გაზეთი "მიდი ოლიმპიკი" იუწყება, საქართველოს ნაკრების და პარიზული "მეტრო რასინგის" შერკინების ბურჯმა დავით ხინჩაგიშვილმა საერთაშორისო კარიერა დაასრულა. 31 წლის მორაგბემ საქართველოს ნაკრებში მსოფლიოს თასის ორ გათამაშებაში იასპარეზა, საფრანგეთსა და ახალ ზელანდიაში.
"გადავწყვიტე, ეროვნულ ნაკრებში გამოსვლა დავასრულო. შესაბამისად, ინგლისში გასამართ მსოფლიოს თასის გათამაშებაში არ ვიასპარეზებ.
საქართველოს ნაკრების შემადგენლობაში განვლილ ორ მსოფლიოს თასზე ვითამაშე, ახლა მინდა ოჯახთან ერთად დავისვენო და საკლუბო კარიერას მეტი ყურადღება დავუთმო.
ეს პირადად ჩემი არჩევანია". - თქვა დავით ხინჩაგიშვილმა.
(იბეჭდება მცირე ცვლილებით)
ყოველდღიური სპორტული
გისურვებ წარმატებებს