"ბორჯღალოსნებმა" არგენტინასთან პირველი ტაიმი დათმეს

საქართველოს მორაგბეთა ეროვნული ნაკრები ინგლისში მიმდინარე მსოფლიოს თასზე C ჯგუფის მეორე შეხვედრას არგენტინის ნაკრების წინააღმდეგ მართავს.

გლოსტერში, "კინგსჰოლმ არენაზე" პირველი ტაიმის შემდეგ ანგარიშია 14:9, არგენტინელთა სასარგებლოდ.

სამხრეთამერიკელებმა თამაში უკეთ დაიწყეს და მალევე ლელოც დაგვიდეს, რასაც პირველ ტაიმში ორი ზუსტი საჯარიმო და ერთი არეკნიც მიამატეს.

საქართველოს ნაკრებს 9 ქულა კი მერაბ კვირიკაშვილმა მოუტანა, რომელმაც სამჯერ საჯარიმო ზუსტად დაარტყა.

"ბორჯღალოსნებს" 5-ქულიანი სხვაობის გაქვითვის კარგი შანსი ზედ შესვენების წინ ჰქონდათ, თუმცა მეტოქის შეცდომით ვერ ისარგებლეს.

საქართველო: 15. მერაბ კვირიკაშვილი, 14. თამაზ მჭედლიძე, 13. დავით კაჭარავა, 12. მერაბ შარიქაძე, 11. გიორგი აფციაური, 10. ლაშა მალაღურაძე, 9. ვასილ ლობჟანიძე. 1. მიხეილ ნარიაშვილი, 2. ჯაბა ბრეგვაძე, 3. დავით ზირაქაშვილი, 4. გიორგი ნემსაძე, 5. კონსტანტინე მიქაუტაძე, 6. გიორგი თხილაიშვილი, 7. ვიქტორ კოლელიშვილი, 8. მამუკა გორგოძე.
16. შალვა მამუკაშვილი, 17. კარლენ ასეიშვილი, 18. ლევან ჩილაჩავა, 19. ლევან დათუნაშვილი, 20. შალვა სუთიაშვილი, 21. გიორგი ბეგაძე, 22. გიორგი ფრუიძე, 23. მურაზ გიორგაძე.
არგენტინა: 15. ხოაკიმ ტუკულეტი, 14. სანტიაგო კორდერო, 13. მარსელო ბოსხი, 12. ხუან მარტინ ერნანდესი, 11. ხუან იმჰოფი, 10. ნიკოლას სანჩესი, 9. ტომას კუბელი. 1. მარკოს აიერსა, 2. ავგუსტინ კრევი, 3. ნაუელ ჩაპარო, 4. გვიდო პეტი, 5. ტომას ლავანინი, 6. ხუან მანუელ ლეგუსამონი, 7. ხუან მარტინ ფერნანდეს ლობე, 8. ლეონარდო სენატორე.
16. ხულინ მონტოია, 17. ლუკას ნოგიერა, 18. რამირო ერერა, 19. მატიას ალემანო, 20. პაბლო მატერა, 21. მარტინ ლანდახო, 22. ხერონიმო დე ლა ფუენტე, 23. ლუკას გონსალეს ამოროსინო.
მსაჯი: ჯი პი დოილი (ინგლისი)