მსოფლიოს თასის ჯგუფურ ეტაპზე მეორე დონის სარაგბო ქვეყნების და მათ შორის, საქართველოს ნაკრების წარმატებულმა თამაშმა მედიაში დიდი დისკუსია გამოიწვია. ყველაზე ხშირად ექვსი ერის გათამაშების რეორგანიზაციაზე ლაპარაკობენ.ექსპერტები ექვსი ერის ან შვიდ ერად გადაკეთებას, ან ბოლოადგილოსან გუნდსა და ერთა თასის გამარჯვებულს შორის პლეი ოფის დანიშვნას ითხოვენ.
სხვა იდეა აქვს punditarena.com-ის ავტორ პატრიკ კონვეის, რომელიც ერთი შეხედვით, ყველაზე ლოგიკურია, თუმცა მედიაში ამაზე ნაკლებად ლაპარაკობენ:
"იტალიის ნაკრებმა ირლანდიას ბრძოლა კი შესთავაზა, მაგრამ გუნდს მაინც არ ეტყობოდა კლასი და პროგრესი. დღეს საქართველოს უკეთესი გუნდი
ვფიქრობ, შემიძლია რეკომენდაცია მივცე ევროპულ რაგბის - ფეხბურთმა ბევრი რამ შეიძლება ისწავლოს ოვალური ბურთისგან, თუნდაც მსაჯების პატივისცემა. მაგრამ ექვსი ერის არსებული გათამაშება საფუძველშივე უსამართლოა, რადგან ჩაკეტილი წრეა. საქართველოს, რუმინეთსა და სხვებს მეტი ესაჭიროებათ, ვიდრე პლეი ოფის მატჩი.
ამიტომაც მოვუწოდებ, გადაიღონ ფეხბურთისგან და ჩატარდეს ტურნირი (ჩემპიონატი) ყოველ 4 წელიწადში ერთხელ. დავიწყოთ 2017 წლიდან. ერთა თასის ხუთი გუნდი, პლუს პროგრესირებადი გერმანია დაემატებიან ექვსი ერის გუნდებს და 12-გუნდიანი კარგი ჩემპიონატი გამოვა.
ეს ტურნირი მომავალში მნიშვნელობას ისევე გაიზრდის, როგორც ეს საფეხბურთო ანალოგმა განიცადა. ოთხ წელიწადში ერთხელ კონტინენტის საუკეთესოს ტიტულისთვის ბრძოლა გაცილებით უფრო აზრიანია, ვიდრე ყოველ ზაფხულს მეორე დონის ქვეყნებში სათადარიგო შემადგენლობების გაგზავნა უაზრო ტურებისთვის".
ეს ხელს შეუწყობს რაგბის თამაშის დონის ამაღლებას ამ გუნდებში!