საქართველოს მორაგბეთა ეროვნული ნაკრები, რომელიც რუსეთთან გასამართი ევროპის ერთა თასის მატჩისთვის ემზადება, 10 მარტს "შევარდენის" სანაკრებო ბაზაზე ღია ვარჯიშს ჩაატარებს.ვარჯიში 16:00 საათზე დაიწყება, გულშემატკივრებისა და მედიასაშუალებების წარმომადგენლებისათვის დასწრება თავისუფალია.
ფოტო-ვიდეოგადაღება ნებადართულია ვარჯიშის დაწყებიდან 15 წუთის განმავლობაში, სინქრონების ჩაწერის შესაძლებლობა კი ჟურნალისტებს ვარჯიშის დაწყებამდე 20 წუთით ადრე შეეძლებათ.
შეგახსენებთ, რომ რუსეთისა და საქართველოს ნაკრებების შეხვედრა სოჭში, 12 მარტს, საქართველოს დროით 16 საათზე დაიწყება და მის ტელერეპორტაჟს საქართველოს "საზოგადოებრივი მაუწყებლის" პირველი არხი წარმოადგენს.
