დღეს მსოფლიო რაგბის ორგანიზაციამ მსოფლიოს ახალი რეიტინგ-ლისტი გამოაქვეყნა, რომელშიც გასული უქმეების ტესტ-მატჩების შედეგებია გათვალისწინებული.მართალია, "ბორჯღალოსნებმა" სამოა 20:16 დაამარცხეს, მაგრამ რეიტინგში წინ ვერ წაიწიეს - მილტონ ჰეიგის ნაკრები კვლავ მე-12 საფეხურზეა რეიტინგში - 74,24 ქულით.
წინა კვირასთან შედარებით, საქართველომ რეიტინგში 0,46 ქულით მოიმატა.
ჩვენი ნაკრების მომდევნო მეტოქე შოტლანდია 80,57 ქულით მე-7 ადგილზეა. შოტლანდიელებმა ფრანგებსა და არგენტინელებს გადაუსწრეს.
იტალიის ნაკრებმა მოულოდნელად დაამარცხა სამხრეთ აფრიკის ნაკრები და ახლა მხოლოდ 0,01 ქულით ჩამორჩება საქართველოს და მე-13 ადგილზეა.
ტოპ-15
![Sportall.Ge](/pictures/artimages/image17/1244a73656fba50db258f335f5c68dbe.jpg "სამოას დამარცხების მიუხედავად, "ბორჯღალოსნები" მსოფლიოს რეიტინგში ისევ მე-12 ადგილზე არიან")
