საქართველოს მორაგბეთა ნაკრების პირველხაზელი დავით ქუბრიაშვილი, რომელიც ფრანგული "მონპელიეს" ღირსებას იცავს, სამკვირიანი დისკვალიფიკაციით დასაჯეს. ქართველი მორაგბე ევროპის ჩემპიონთა თასის გათამაშების ჯგუფური ეტაპის მატჩში, "მონპელიესა" და "კასტრს" შორის რაკში სახიფათო თამაშის გამო გააძევეს. ის შეხვედრა კაცნაკლულმა "მონპელიემ" 32:14 მოიგო და კიდევ ერთი ქართველი კონსტანტინე მიქაუტაძე მატჩის საუკეთესო მოთამაშედ დაასახელეს.
ქუბრიაშვილი თამაშს ორი იანვრიდან შეძლებს. ასევე 2 იანვარს უმთავრდება დისკვალიფიკაცია საქართველოს ნაკრების კიდევ ერთ ბურჯ ანტონ ფეიქრიშვილს, რომელიც უელსურ "კარდიფ ბლუზში" ასპარეზობს.
