"ჩერჩილის თასის" გათამაშებაში, რომელიც წლეულს ინგლისში ტარდება ორი ტურის შეხვედრები გაიმართა. პირველ ტურში შეჯიბრების მასპინძელმა და ფავორიტმა ინგლისის A ნაკრებმა ამერიკის შეერთებული შტატების ეროვნული გუნდი გაანადგურა 87:8, ხოლო იტალიის A ნაკრები კანადის ეროვნულ გუნდთან დამარცხდა 12:26.კანადელებმა მეორე ტურში რუსეთის ნაკრებს ხუთი ლელო გაუტანეს და 34:18 მოუგეს. შედეგად ნეკერჩხლის ფოთლებმა ფინალში თამაშის უფლება მოიპოვა.
ჩრდილოამერიკელთა მეტოქის ვინაობა ტონგასა და ინგლისის A ნაკრებების შეხვედრაში გაირკვევა. ტონგელებმა თავიანთ პირველ მატჩში აშშ-ს ნაკრებს 44:13 მოუგეს და მასპინძლებთან გამარჯვების შემთხვევაში ფინალში გააღწევენ.
