სანამ პლანეტის 20 საუკეთესო სარაგბო ქვეყნის ნაკრები, მსოფლიო რაგბის უდიდეს ფორუმზე საასპარეზოდ გამალებით ემზადება, "ვებ ელისის" თასი ახალ ზელანდიაში, მასპინძელ ქალაქებში მოგზაურობს. მსოფლიოს თასი ახალ ზელანდიას ორი დღის წინ ეწვია და ქვეყანაში მოგზაურობა, ეგრეთ წოდებული "როუდ შოუ", სამხრეთიდან დაიწყო. პირველი მასპინძლობის უფლება უკიდურეს სამხრეთში მდებარე ქალაქ ინვერქარგილს ხვდა წილად, სადაც საქართველოს ნაკრები ჯგუფური ტურნირის პირველ შეხვედრას 14 სექტემბერს შოტლანდიის ნაკრებთან გამართავს.
ინვერქარგილელები ვებ ელისის თასს დილის შვიდის ნახევარზე ორგანიზებულად დახვდნენ. ბავშვთა და მოზარდთა გუნდებთან ერთად მრავლად იყვნენ ამ პატარა ქალაქის
ინვერქარგილადან ვებ ელისის თასმა გზა ქვინზთაუნისკენ აიღო. "ბორჯღალოსნების" ახალზელანდიური თავგადასავლის რუკაზე ეს ქალაქიც არის. ჩვენ მორაგბეებს პირველ მასპინძლობას სწორედ ქვინზთაუნელები გაუწევენ და, როგორც უკვე ვწერდით, "ველქამ ფართისაც" აქ მოუწყობენ ულამაზეს "სკაი ლაინზე". თუმცა, როგორც გაირკვა, ამავე ქალაქში იცხოვრებს ირლანდიის ნაკრებიც და ქვინზთაუნელები სწორედ მათ უქომაგებენ.
საქართველოს ნაკრების ქომაგების ცენტრი კი ახალი ზელანდიის ჩრდილოეთ კუნძულის სამხრეთში მდებარე მასტერტონია. "ვებ ელისის" თასი აქ 14 ივლისს ჩააღწევს, თუმცა მასტერტონელებს დიდი ხანია თადარიგი დაჭერილი აქვთ და საკმაოდ მრავალფეროვან საზეიმო პროგრამას ამზადებენ.
საქართველოს ქომაგთა კლუბის ხელმძღვანელებმა უკვე გამოაცხადეს, რომ ორ ბილეთს გადასცემენ საჩუქრად იმას, ვინც საქართველოს ნაკრების საქომაგოდ, ყველაზე ლამაზ ჩასაცმელს, ან რამე სხვას მოიგონებს.
ყოველდღიური სპორტული გაზეთი "ლელო"
