1995 წელს მსოფლიოს თასის გათამაშება სამხრეთ აფრიკაში გაიმართა. მსოფლიო რაგბის უდიდესი ფორუმი კეიპთაუნში 25 მაისს ქვეყნის პრეზიდენტმა ნელსონ მანდელამ გახსნა, რომელმაც მრავალწლიანი ბრძოლის შემდეგ სამხრეთ აფრკაში გამეფებული აპარტეიდი დაამარცხა და ქვეყანა საერთაშორისო იზოლიაცისგან იხსნა. შეჯიბრება მასპინძლების შესანიშნავი გუნდის გამარჯვებით დასრულდა.მედია მაგნატმა რუპერეტ მერდოკმა კი, რაგბიში დიდი რადენობის ფული ჩადო და მსოფლიოს თასის დასრულებიდან ორი თვის შემდეგ რაგბი ოფიციალურად გახდა პროფესიული.
ტურნირის აღმოჩენა: შოტლანდია
შოტლანდიის ნაკრები კაცმა არ იცის, საიდან გაჩნდა. "სკოტებმა" პირველივე შეხვედრაში დიდი ანგარიშით 89:0 დაამარცხა კოტ დიუვარი.
ის რომ ეს ანაგარიში ლოგიკური იყო, მომდევნო თამაშმაც დაადასტურა. "ნარშავებმა" საკმაოდ იოლად სძლიეს ტონგას ნაკრებს 41:5. ჯგუფური ტურნირის ბოლო შეხვედრაში კი მსოფლიოს თასის ნახევარფინალსიტ საფრანგეთთან სამი ქულის სხვაობით წააგეს - 19:22.
მეოთხედფინალში შოტლანდიის ნაკრებმა მსოფლიოს ერთ-ერთ უძლიერეს გუნდს, "ოლ ბლექსს", რომელიც ტურნირის უმთავრეს ფავორიტად ითვლებოდა, იმაზე მეტი წინააღმდეგობა გაუწია, ვიდრე ვინმე ელოდა - 30:48.
საბოლოოდ ისე გამოვიდა, რომ "სკოტებმა" მსოფლიო თასზე ყველაზე მეტი ქულა დააგროვეს.
ტურნირის იმედგაცრუება: ავსტრალიის ნაკრები
მსოფლისო თასის მფლობელები სამხრეთ აფრიკაში ძალზედ უფერულად გამოიყურებოდნენ. ჯგუფური ტურნირის პირველ მატჩში "ვოლაბებმა" მასპინძლებთან 18:27 წააგეს. თუმცა მეოთხედფინალში გასვლა მაინც შეძლეს, რადგან რუმინეთისა და კანადის ნაკრებების დამარცხება მოახერხეს, შესაბამისად 42:3 და 27:11.
ავსტრალიელებს მეოთხედფინალში გზა ინგლისის ნაკრებმა გადაუკეტა, რომელმაც მრისხანე მეტოქის დამარცხება ბოლო წუთებზე შეძლო - 25:22.
ტურნირის გუნდი: სამხრეთ აფრისკი ნაკრები
ცხადია, სხვაგვარად არც შეიძლება ყოფილიყო. როგორ შეიძლებოდა, რომ "ბოკეს" მსოფლიოს თასი არ მოეგო, თანაც საკუთარ ქვეყანაში.
ეს შეჯიბრება სამხრეთ აფრიკაში პრეზიდენტად ნელსონ მანდელას არჩევიდან ერთ წელიწადში გაიმართა. მასპინძელთა რიგებში პირველად გამოჩნდა შავკანიანი მოთამაშე ჩესტერ ვილიამსი და "ბოკეს" გამარჯვება საყოველთაოდ იქნა აღქმული, როგორც ერის გაერთიანების სიმბოლო. ორიოდ წლის წინათ ჰოლივუდში, კლინტ ისტვუდმა ამ ამბების ამსხველი ფილმიც კი გადაიღო სახელად "ინვიქტუსი".
სამხრეთაფრიკელებმა ჯგუფურ ტურნირში ავსტრალიის, კანადისა და რუმიენთის ნაკრებების დამარცხების შემდეგ მეოთხედფინალში იოლად სძლიეს დასავლეთ სამოას - 42:14. მომდევნო ორი ბრძოლა "ბოკესთვის" გაცილებით რთული გამოდგა. მათ ნახევარფინალში, ფრანუსა პინარის წინამძღოლობით საფრანგეთის ძლიერ ნაკრებს მხოლოდ ოთხი ქულის სხვაობით აჯობეს. ფინალში კი მსოფლიოს საუკეთესო გუნდი 15:12 დაამარცხეს. მატჩის გმირი მასპინძელთა მგეზავი ჯოელ სტრანსკი იყო, რომელმაც სამი საჯარიმო და ორი არეკნი მიითვალა. მისმა ახალზელანიდელმა ვიზავიმ, ენდრიუ მერთენსმა კი სამ საჯარიმოს, მხოლოდ ერთი არეკნი მიუმატა.
ვებ ელისის თასი სამხრეთ აფრიკელთა კაპიტანს ნელოსნ მანდელამ გადასცა. ფრანსუა პინარმა თასით ხელში შემდეგი სტყვები წარმოთქვა: "მოედანზე თხუთმეტნი არ ვიყავით, გამარჯვება 44 მილიონმა სამხრეთაფრიკელმა მოვიპოვეთ".
გამარჯვების წყურვილი იმდენად დიდი იყო, რომ "ბოკე" ამ შეჯიბრებას არაფრით წააგებდა.
ტურნირის მატჩი: სამხრეთ აფრიკა-საფრანგეთი
ეს თამაში დურბანში, გადაუღებელი, თავსხმა წვიმის გამო დანიშნულზე გვიან დაიწყო. ადგილობრივებმა დატბორილი მოედანი ნიჩბებით ხელდახელ გადაწმინდეს და თამაში მაინც შედგა. სათამაშოდ რთულ პირობებში ორივე გუნდმა მაქსიმუმი გაიღო. გამარჯვება ორივეს ერთნაირად შეეძლოთ, მაგრამ ფრანგთა მგეზავის ტიერი ლაკრუას ხუთ საჯარიმოს ჯოელ სტრანსკიმ ოთხი საჯარიმო და ერთი გარდასახვით უპასუხა. "ბოკეს" ერთადერთი ლელო კი, მესამეხაზელი რუბენ კრუხერის ანგარიშზეა.
თამაშის მიწურულს ფრანგებმა მატჩის გადარჩენის შესანიშნავი შანსი გაუშვეს ხელიდან. აბდულატიფა ბენაზის მეტოქის ლელომდე რამდენიმე სანტიმეტრი დააკლდა. არადა, ასე რომ არ მომხდარიყო, კაცმა არ იცის, მოვლენები როგორ განვითარდებოდა. ეს თამაში საფრანგეთში დღემდე მწარედ ახსოვთ.
ტურნირის ლელო: ჯონა ლომუ
შეჯიბრების ყველაზე ეფექტურ ლელოდ ახალი ზელანდიის ნაკრების ახალი ვარსკვლავის, გარემარბ ჯონა ლომუს მიერ ინგლისის ნაკრებისთვის გატანილი ლელო აღიარეს. ლომუ მსოფლიო რაგბის კაბადონზე ამ ტურნირის დაწყებამდე ერთი წლით ადრე გამოჩნდა და ყველა მიიჩნევდა, რომ ეს მისი მსოფლიოს თასი იქნებოდა. ასეც იყო, თუმცა "ოლ ბლექსმა" პირველობა ვერ შეძლო.
ნახევარფინალში ახალი ზელანდიის ნაკრებმა ინგლისის ეროვნულ გუნდთან ითამაშა. ლომუმ "პომებს" ოთხი ლელო გაუტანა. ეს თავისთავად დიდი მიღწევაა. თუმცა ერთ-ერთი მათაგნი სამუდამოდ შევიდა მსოფლიოს რაგბის ისტორიაში და არასდროს დაავიწყდება, იმათ ვინც უშიალოდ იხილა.
ჯონა ლომუმ ერთერთ ეპიზოდში ბურთი მარცხენა ფრთაზე, ცენტრალურ ხაზთან მიიღო, ორ ინგლისელს ხელიდან დაუსხლტა და მეტოქის ჩათვლის მოედნისკენ არაადამიანური სიჩქარით დაიძრა. გზად მას გაბარიტებით ბევრად პატარა "პომების" ფულბეკი მაიკ ქეთი დაუხვდა, რომელიც ლომუმ, ამ სიტყვის პირდაპირი მნიშვნელობით, გადათელა, წაქცეულ მაიკს ზედ გადაურა და ლელოში შაღწია.
ის თამაში "ოლ ბლექსმა" 45:29 მოიგო.
ყოველდღიური სპორტული გაზეთი "ლელო"
