მსოფლიოს თასის გათამაშების დაწყებამდე სულ უფრო ცოტა დრო რჩება. გუნდები ახალ ზელანდიაში ღირსეულად საასპარეზოდ გამალებით ემზადებიან. თითქმის ყველა მათგანი საწვრთნელ შეხვედრებს მართავს. ბოლო ორ უქმეებზე ორჯერ ითამაშა საქართველოს ნაკრების მეტოქემ ინგლისის ეროვნულმა გუნდმა, რომლის შემადგენლობაშიც ახალი ამომავალი ვარსკვლავი მანუ ტუილაგი გამოჩნდა.
ის ერთადერთი თინეიჯერი არ არის , რომელიც ინგლისურმა რაგბიმ აღზარდა. მოდით, გავიხსენოთ რამდენიმე მათგანი.
ბენ კოენი (ინგლისი-ირლანდია 50:18)
2000 წლის 5 თებერვალი
მისი დებიუტი ინგლისის ნაკრებში ექვსი ერის გათამაშებაში 2000 წელს ირლანდიის ნაკრებთან მატჩში შედგა. ბენ კოენთან ერთად პირველად
მას შემეგ ამ სამეულს ბრწყინვალე კარიერა ჰქონდა. თუმცა, როგორც ჩანს, თინდოლი მას ისევ განაგრძობს და ახალ ზელანდიაში გასამართ მსოფლიოს თასს უმიზნებს. კოენმა კი ბოლოს ეროვნულ ნაკრებში 2006 წელს სამხრეთ აფრიკაში ითამაშა.
მან ბოლო ორი სეზონი "ნორჰემპთონში" გაატარა და ახლახან რაგბიდან წასვლის გადაწყვეტილება მიიღო. ბენ კოენი ამჟამად სპორტში ჰომოფობიის პრობლემაზე მუშაობს.
მარკ კუეტო (ინგლისი-კანადა 70:0)
2004 წლის 13 ნოემბერი
მარკ კუეტომ, რომელმაც ფაქტობრივად გაინაღდა წლეულს ახალ ზელანდიაში გასამართ მსოფლიოს თასზე თამაში, ეროვნული ნაკრების კვართი პირველად 2004 წელს კანადის ნაკრებთან მატჩში მოირგო. "პომებმა" მეტოქე 70:0 გაანადგურეს. კუეტომ ორი ლელო მიითვალა. იმ შეხვედრაში ჰეთ თრიკი შესრულა ჯეისონ რობინსონმა.
კუეტოსთან ერთად ინგლისის ნაკრებში დებიუტი კიდევ სამ მორაგბეს, ენდრიუ შერიდანს, ენდი ჰეიზელს და ჰიუ ვივიანს ჰქონდა. მარკმა დღემდე ეროვნულ გუნდში 52 კეპი მოიხვეჭა. 2007 წლის მსოფლიოს თასის ფინალში კი ინგლისის ნაკრებს "ვებ ელისის" თასი მოაგებინა. მის მიერ გატანილი ლელო ვიდე რეფერიმ, სტიუარტ დიკინსონმა არ ჩათვალა.
ჩარლი ჰოჯსონი (ინგლისი-რუმინეთი 134:0)
2001 წლის 17 ნოემბერი
"სარასენზის" მგეზავი ეროვნულ ნაკრებში პირველად 2001 წელს, რუმინეთის ნაკრებთან მატჩში გამოჩნდა. ინგლისელებმა მაშინ ჩვენთვის კარგად ნაცნობი რუმიენთის ნაკრებისგან აღარაფერი დატოვეს - 134:0. ჰოჯსონმა შეხვედრაში ორი ლელო გაიტანა. ჯეისონ რობინსონი კი ოთხი ლელოს ავტორი შეიქნა. სამ-სამჯერ გადაკვეთეს "სტეჟარის" ჩათვლის მოედნის ხაზი დენ ლუგარმა და ბენ კოენმა.
ჰოჯსონი 2008 წელს ახალ ზელანდიასთან მატჩში მძიმედ დაშავდა, რის შემდეგაც კრიტიკოსებმა ერთხმად დასჭექეს, რომ მას დაცვაში თამაშში დიდი პრობლემები აქვს. ამჟამად ჰოჯსონი ინგლისის ნაკრების საწვრთნელ ბანაკში იმყოფება და ახალ ზელანდიაში მოხვედრისთვის ჯონი ვილკინსონსა და ტობი ფლუდს ეჯიბრება.
დინ რიჩარდსი (ინგლისი-ირლანდია 25:20)
1986 წლის 1 მარტი
ის მსოფლიოს ყველა დროის საუკეთესო უკანახაზელადაა მიჩნეული. დინ რიჩარდსმა 1986 წელს ირლანდიის ნაკრებთან სადებიუტო მატჩში ორი ლელო გაიტანა და "პომებს" უმძიმეს ბრძოლაში მოაგებინა. მიუხედავად იმისა, რომ მან უამრავი ტიტული მოირგო როგორც კლუბში, ისე ინგლისის ნაკრებსა და ბრიტანელ ლომებში, პოპულარობა მაინც ცუდი საქციელით მოიპოვა.
1988 წელს შოტლანდიის ნაკრებთან მატჩში ისე ბინძურად ითამაშა, რომ სამწლიანი დისკვალიფიკაცია მისცეს. რაგბის თამაშს რომ თავი დაანება, რიჩარდსმა ხელი მწვრთნელობას მიჰყო და ამ ასპარეზზეც შსანიშნავად წარმაოჩინა თავისი უბადლო ნიჭი.
ყოველდღიური სპორტული გაზეთი "ლელო"
