1890 წელილეგენდარული უელსელი ფულბეკის, ბილი ბენკროფტის დებიუტი კარდიფში, შოტლანდიის ნაკრებთან მატჩში შედგა. მან ეროვნულ გუნდში 33 კეპი მოიხვეჭა და რაგბიდან 1901 წელს წავიდა.
1930 წელი
შოტლანდიელთა ნაკრებმა უელსის ეროვნულ გუნდს "მერიფილდზე" 12:9 მოუგო. "სკოტებს" გამარჯვება მატჩის ბოლო წუთზე არეკნით მოუტანა გერბერ უოდლმა.
1958 წელი
ინგლისის ნაკრებმა "თვიქნემზე" ავსტრალიის ეროვნული გუნდი 9:6 დაამარცხა. გამარჯვების მომტანი ლელო პიტერ ჯექსონმა მატჩის ბოლო წუთზე გაიტანა.
1969 წელი
უელსის ნაკრებმა მზადების მოძველებული სისტემა შეცვალა და შედეგიც მიიღო. ხუთი ერი პირველ შეხვედრაში უელსელებმა სტუმრად, "მერიფილდზე"
1975 წელი
საფრანგეთის ნაკრებმა "თვიქნემზე" ინგლისის ეროვნული გუნდი 27:20 დაამარცხა. ამ მატჩში შედგა ლეგენდარული ფრანგი მორაგბის, ჟან-პიერ რივის დებიუტი. მან "ლე ბლეს" შემადგენლობაში 59 კეპი მოიხვეჭა და ფრანგული რაგბის ვარსკვლავებთან, ჟან-კლოდ სკრელასტან და ჟან-პიერ ბასტიასთან ერთად, მსოფლიოს რაგბიში ეპოქა შექმნა.
მხარის ტრავმის გამო ჟან პიერი 1984 წელს რაგბის გამოეთხოვა და მოქანდაკის შესანიშნავი კარიერა შექმნა. მისი ნახელავია "ჯუზეპე გარიბალდის თასი", რომელიც საფრანგეთისა და იტალიის ნაკრებებს შორის მატჩში თამაშდება.
1986 წელი
უელსის ნაკრების ფულბეკმა პოლ ტორბერნმა საჯარიმო ყველაზე შორი მანძილიდან გაიტანა. უელსელებმა, იმ დღეს კარდიფში, შოტლანდიის ეროვნულ გუნდს 22:15 მოუგეს. პოლმა ხუთი საჯარიმო მიითვალა, ამათგან ერთი 70 იარდიდან დაარტყა.
2009 წელი
ახალი ზელანდიისა და მსოფლიოს ერთ-ერთი საუკეთესო მგეზავი დენ კარტერი, რომელიც ფრანგული "პერპინიანის" ღირსებას იცავდა "სტად ფრანსესთან" მატჩში დაშავდა, როცა ანგარიში 13:13 იყო. კარტერი, შედეგად, ექვსი თვის განმავლობაში მკურნალობდა. არადა, კატალონიურ კლუბთან მას საკმაოდ სარფიანი კონტრაქტი ჰქონდა გაფორმებული. კარტერს წელიწადში 700 ათასი ევრო უნდა მიეღო. მან "პერპინიანის" შემადგენლობაში ხუთი მატჩის თამაში მოასწრო.
.
