გასულ უქმეებზე, ფორმულა 1-ის ბაჰრეინის რბოლის დროს საშინელი ავარია მოხდა - ფრანგ/შვეიცარიელი მრბოლელი რომან გროჟანი 221 კმ/სთ სიჩქარით დამცავ ჯებირებს შეეჯახა, ბოლიდი შუაზე გაიყო, მაშინვე აფეთქდა და ორივე მხარეს ცეცხლი მოედო.
საბედნიეროდ, ცეცხლში გატარებული 27 წამის შემდეგ გროჟანმა ცეცხლმოკიდებული მანქანიდან ამოძრომა მოახერხა და მისი საბოლოოდ ცეცხლიდან გამოყვანა დამხმარე პერსონალმა მოახერხა.
საბედნიეროდ, პილოტი სხეულის სერიოზულ დაზიანებებს გადაურჩა და მხოლოდ ხელები დაეწვა. რომანი აღნიშნულ ავტოდრომზე დაბრუნდა და მის გადამრჩენ თანამშრომლებს შეხვდა.
"მადლობა ყველაფრისთვის, თქვენ სიკვდილისგან მიხსენით", - მიმართა გროჟანმა მათ.
მომზადებულია formula1.com-ის მიხედვით
