მიმდინარე ავსტრალიის ღია პირველობაზე კიდევ ერთი ქართველი ჩოგბურთელი ოქსანა კალაშნიკოვაც იასპარეზებს, რომელიც ძალებს წყვილთა თანრიგში ცდის. კალაშნიკოვა ამერიკელ ვარვარა ლეპჩენკოსთანაა შეამხანაგებული. მათი დუეტი კი ჩინურ წყვილს - იაფან ვანგს და ქიანგ ვანგს დაუპირისპირდება.
კალაშნიკოვას და ლეპჩენკოს წყვილებში აქამდე ერთად არასდროს უასპარეზიათ, ჩინელთა წყვილმა კი გასულ სეზონში 4 შეხვედრა ჩაატარა, საიდანაც სამში დამარცხდა.
მატჩის დაწყების თარიღი და დრო ჯერჯერობით ცნობილი არ არის.
გამარჯვების შემთხვევაში ქართულ-ამერიკული წყვილის მეტოქე, სავარაუდოდ, ლატიშა ჩანისა და ანდრეა ჰლავაჩკოვას დუეტი იქნება, რომელიც ტურნირზე პირველ ნომრადაა განთესილი.
![ავსტრალიის ღია პირველობის პირველი ფინალისტი ცნობილია [VIDEO]](/pictures/image7/b405aedf52c5dac1f813a4ebb221446c.jpg "ავსტრალიის ღია პირველობის პირველი ფინალისტი ცნობილია [VIDEO]")
