ნოვაკ ჯოკოვიჩი ავსტრალიის ღია პირველობის გამარჯვებულია!

რამდენიმე წუთის წინ მელბურნში ავსტრალიის ღია პირველობის ფინალური მატჩი დასრულდა, სადაც მსოფლიოს პირველმა ჩოგანმა ნოვაკ ჯოკოვიჩმა მეორე ჩოგანი რაფაელ ნადალი სამ სეტში 6:3, 6:2, 6:3 დაამარცხა.

სერბი ჩოგბურთელი უპირატესობას მთელი მატჩის განმავლობაში ფლობდა და მეტოქე ყველა კომპონენტში დაჯაბნა.

ჯოკოვიჩმა ხუთი ბრეიქი შეასრულა, ნადალმა კი მეტოქის მოწოდებული გეიმი არცერთხელ მოუგია.

ეს ამ ჩოგბურთელების 53-ე დაპირისპირება იყო, ბალანსი კი ნოვაკის სასარგებლოდაა - 28:25.

ნოვაკ ჯოკოვიჩმა ავსტრალიის ღია პირველობა მეშვიდედ მოიგო, ბოლოს მან ამ ტიტულის მოპოვება 2017 წელს მოახერხა.