რუსული სპორტული საიტები მუდამ დიდ ყურადღებას უთმობენ თავიანთი ჩოგბურთელების ასპარეზობას და განსაკუთრებით მსოფლიოს მე-12 ჩოგანის, კარენ ხაჩანოვის თამაშს, ნიკოლოზ ბასილაშვილთან დუბაის ტურნირის 1/8 ფინალში წაგება კი თქვენ წარმოიდგინეთ და ძალიან მოკლედ გააშუქეს. მხოლოდ sports.ru-მ მიუძღვნა მეტნაკლებად ვრცელი მიმოხილვა. გთავაზობთ ამონარიდს.
"გასული წლის მაისის შემდეგ ხაჩანოვმა პირველად წააგო ზედიზედ 3 მატჩი. ამჯერად მსოფლიოს რეიტინგში მე-19 ადგილზე მყოფ ნიკოლოზ ბასილაშვილთან. ხაჩანოვი მიჯრით სამჯერ პირველივე წრიდან უკანასკნელად 2017 წელს გამოვარდა.
მას ბოლო კვირეების განმავლობაში ჯანმრთელობასთან დაკავშირებით პრობლემები აქვს.
ბასილაშვილმა რაც ოქტომბერში პეკინში თავისი უდიდესი ტურნირი მოიგო, სადაც ფინალში ხუან მარტინ დელ პოტრო დაამარცხა, მას შემდეგ 6 მატჩში პირველად სძლია რეიტინგში მასზე უფრო მაღალ საფეხურზე მდგომ მოწინააღმდეგეს".
ბასილაშვილმა ხაჩანოვს 6:4, 6:1 მოუგო, შეხვედრა კი 1 საათი და 11 წუთი გაგრძელდა.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
