ფოტო:facebook.com/NikolozBasilash/
სულ ცოტა ხნის წინ ჩაატარა საკუთარი შეხვედრა რომის მასტერსზე რაფაელ ნადალმა. მსოფლიოს მეორე ჩოგანის მეტოქე ფრანგი ჟერემი შარდი(42) იყო. "თიხის მეფემ" ფრანგი მოწინააღმდეგე 2 სეტში უპრობლემოდ დაამარცხა - 6:1, 6:0.
ეს შეხვედრა გუშინ უნდა ჩატარებულიყო, მაგრამ ძლიერი წვიმის გამო გადაიდო. თუმცა ტურნირის კალენდარი არ შეიცვლება და ნადალს ნიკოლოზთან დაპირისპირება დღესვე მოუწევს.
შეხვედრა თბილისის დროით 21:30 წუთზეა ჩანიშნული, თუმცა, დიდი ალბათობით, ოდნავ მოგვიანებით დაიწყება.
ნიკოლოზი რაფას აქამდე ორჯერ შეხვდა
და ორივეჯერ დამარცხდა. თუმცა ბასილაშვილს რომის ტურნირზე უხერხული მეტოქეების ძლევის პერიოდი უდგას და იქნებ მსოფლიო ჩოგბურთის ლეგენდასაც მოუგოს.
ეს ძალიან, ძალიან რთული იქნება, თიხის საფარზე ნადალის დამარცხება უაღრესად რთული ამოცანაა. თუმცა, თუკი ეს სტეფანოს ციციპასმა მოახერხა გასულ კვირაში მადრიდის კორტებზე, რატომ არ უნდა გამოუვიდეს იგივე ნიკოლოზს? ნებისმიერ შემთხვევაში წარმატებები ვუსურვოთ ქართველ ჩოგბურთელს კარიერაში ერთ-ერთი ყველაზე რთული მატჩის წინ.
ნიკოლოზ ბასილაშვილმა ფუჩოვიჩს ჯერეც ზედ მიაყოლა - შემდეგი მეტოქე ნადალია? [VIDEO]
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
