ფოტო: https://www.facebook.com/GEOWF/
13 აპრილს ბათუმში ძალოსანთა ევროპის ჩემპიონატის ბოლო დასკვნითი დღე გაიმართა, სადაც ქართველი სპორტსმენის ლაშა ტალახაძის ტრიუმფი შედგა.
ლაშა ტალახაძემ 3 ოქროს მედალი მოიპოვა, ხოლო ირაკლი თურმანიძემ 2 ვერცხლი და ერთი ბრინჯაო.
109 კილოგრამ წონით კატეგორიაში ლაშამ აკვრაში თავისივე მსოფლიო რეკორდი 217 კილოგრამი გააუმჯობესა და მეორე ცდაზე 218 კილოგრამი აიტაცა. ტალახაძე მესამე ცდაზე არც კი მისულა.
ამით ტალახაძემ ატაცში ევროპის ჩემპიონატის ოქროს მედალი დაიმსახურა. ვერცხლის მედალს კი საქართველოს ნაკრების კაპიტანი ირაკლი თურმანიძე დასჯერდა, რომელმაც 206 კილოგრამით მეორე ადგილი დაიკავა.
ატაცში მესამე ადგილი სომეხმა გორ მინასიანმა დაიკავა.
აკვრაში ტალახაძემ ასევე მხოლოდ ორი ცდა გამოიყენა, მან პირველ ჯერზე 245 კილოგრამი დაძლია, ხოლო შემდეგ 260 კილოგრამის აწევით კვლავ თავისივე რეკორდი მოხსნა, როგოც აკვრაში ისე ორჭიდში.
ირაკლი თურმანიძემ აკვრაში 241 კილოგრამით მესამე ადგილი დაიკავა, ხოლო ორჭიდის ჯამში მეორე პოზიცია ერგო.
| ლაშა ტალახაძე |
I ცდა | II ცდა | III ცდა |
| ატაცი | 208 | 218 | |
| აკვრა | 245 | 260 | |
| ორჭიდი | 478 |
| ირაკლი თურმანიძე | I ცდა | II ცდა | III ცდა |
| ატაცი | 195 | 201 | 206 |
| აკვრა | 227 | 234 | 241 |
| ორჭიდი | 447 |
საქართველოს ნაკრებმა საბოლოო ჯამში ევროპის ჩემპიონატზე 15 მედალი მოიპოვა - 5 ოქრი, 6 ვერცხლი და 4 ბრინჯაო და გუნდურ ჩათვლაში პირველი ადგილი დაიკავა.
აქამდე შოთა მიშველაძემ (61 კგ) პირველ დღეს აკვარაში ოქრო მოიპოვა, შემდეგ გოგა ჩხეიძემ (67 კგ) აკვრაში ვერცხლი და ორჭიდში ბრინჯაო აიღო, რევაზ დავითაძემ (89 კგ) ატაცში ოქრო, ხოლო აკვრასა და ორჭიდში ბრინჯაოს მედლები მოიპოვა, 12 აპრილს კი საქართველოს სახელით მოასპარეზე უკრაინელმა სპორტსმენმა ანტონ პლესნოიმ (96 კგ) ატაცში ვერცხლის მედალი, ორჭიდში კი ბრინჯაო მოიპოვა.
!["მაგრად ვცემ! ვერ გამწიწკნიან ხელიდან" - ჭინჭარაულის მორიგი სახალისო ვიდეო [VIDEO]](/pictures/image7/7b483f775bc53268f87858e82086b344.png "\"მაგრად ვცემ! ვერ გამწიწკნიან ხელიდან\" - ჭინჭარაულის მორიგი სახალისო ვიდეო [VIDEO]")
ხოდა დღესდღეობით მსოფლიოს საუკეთესო ძალოსანებში ლაშა ტალახაძე არ შედის, ის სულ სხვა განზომილებაა!!!
მადლობა ლაშა საქართველოს გახარებისთვის და ბედნიერების ცრებლებისთვის.
ვენაცვალე შენს აღმზრდელს.
მუდამ გამარჯვებული გამყოფოს უფალმა საქართველოს სასახელოდ და სადიდებლად!!!
თურმანიძემ, დავითაძე, პლესნოიმ და მიშველიძემ-აც თუ მოუმატეს - ინისიც შეიძლება ოლიმპიურები გაგგვიხდნენ და გვაამაყონ- ,,სპორტული პორტალი,, - ასე სუსტი ინფორნაციები რატომ ?! - აქ გუნდური რა ხდება ?!
კვლავაც მრავალგზის გაგეხარებინოთ სამშობლო!!!...