წლის ბრძოლა ჩატარდება - უაითმა ადგილი იპოვა, მაგრამ არ ამბობს

UFC-ის პრეზიდენტმა დეინა უაითმა განაცხადა, რომ UFC 249-ის ჩასატარებელი ადგილი გამონახა. შეგახსენებთ, ტურნირის მთავარი ბრძოლა ორგანიზაციის მსუბუქი წონის ჩემპიონ ხაბიბ ნურმაგომედოვსა და ტონი ფერგიუსონს შორის გაიმართება. 

"მე ვიცი, სადაც ჩავატარებთ ტურნირს. ეს იქნება დახურული ღონისძიება, არავითარი გულშემატკივარი. ადგილის დასახელებისთვის ჯერ არ ვარ მზად", - განაცხადა უაითმა mmajunkie-სთან საუბარში. 

რამდენიმე დღის წინ UFC-მ დაადასტურა, რომ ბრძოლა 19 აპრილს კვლავ გაიმართებოდა, თუმცა დაგეგმილი ბრუკლინის ნაცვლად, მოუწევდათ სხვა ტერიტორიის გამონახვა. როგორც ჩანს, უაითმა შეასრულა პირობა და წლის ბრძოლა ცარიელი ტრიბუნების ფონზე, თუმცა მაინც ჩატარდება.

ტონი სულელი არამზადაა, ნეტავ, ტრავმა არ მიიღოს - ხაბიბის მენეჯერი ტონიზე