ერთ წვეთს თუ დავლევ მანქანა წამართვით - რუსი მებრძოლი კადიროვის ნაჩუქარ მანქანას უკან აბრუნებს?

რუსი მებრძოლი ალექსანდრ ემელიანენკო, რომელიც ჩეჩნეთის რესპუბლიკის დედაქალაქ გროზნოში იმყოფება და ვარჯიშობს ცნობილია თავის სკანდალებით.

პერიოდულად მებრძოლი ალკოჰოლს ეტანება და შემდეგ დებოშებს აწყობს. დროდადრო ის ციხეში სასჯელსაც იხდის სხვადასხვა დანაშაულის ჩადენისთვის. თუმცა გროზნოში არ აპირებენ მისი ალკოდამოკიდებულების ატანას.

მებრძოლს მოუწია სერიოზულ დათმობაზე წავიდეს და "ახმატის" (დარბაზი სადაც ემელიანენკო ვარჯიშობს) დირექტორს, ჩეჩნეთის ფედერალური სამსახურის ეროვნული გვარდიის მეთაურსა და კადიროვის პირად დაცვას, აბუსაიდ ვიზმურადოვს დაჰპირდა, რომ ერთი წლის განმავლობაში ალკოჰოლის ერთ წვეთს არ დალევს.

"ალექსანდრეს ინიციატივით, ჩვენ დავნაძლევდით: ის მპირდება, რომ ალკოჰოლს მინიმუმ ერთი წელი არ მიეკარება. თუკი დაარღვევს პირობას, რამზან ახმატოვიჩის (კადიროვი - რედ.) ნაჩუქარ მანაქანას უკან დააბრუნებს. ყველამ ვიცით, რომ ალექსანდრე - ადამიანი სიტყვაა. დარწმუნებული ვარ პირობას ბოლომდე დაიცავს. იმედი მაქვს ემელიანენკო ძველებურ ფომრას დაიბრუნებს. ადრე ჩვენ კლუბში მან ეს უკვე გააკეთა და ასევე, იმედი მაქვს, ის თავის ასპარეზობით გაგვაბედნიერებს." - განაცხადა ვისმურადოვმა თავის "ინსტაგრამზე".

ამჟამად ალექსანდრე მაგომედ ისმაილოვთან ბრძოლისთვის ემზადება.

კავკასიელების დამცველმა ტაისონთან ბრძოლა ისურვა

"კავკასიელებმა გაჭამეს, გასვეს, გიმასპინძლეს და ახლა ლანძღავ, ბ*ზი ხარ" - ემელიანენკო ტაკტაროვზე