ილია თოფურიას მომავლის შესახებ ესპანური გამოცემა elespanol-ი წერს:
"თოფურია ოქტაგონზე ბრუნდება. იანვრის თვეში არშემდგარი (ექიმებმა წონის კლება აუკრძალეს) ორთაბრძოლის შემდეგ ხმები გავარდა, რომ როგორც მინიმუმ, ივნისის თვემდე ქართველი რვაკუთხედში ვერ გავიდოდა, თუმცა ასე არ აღმოჩნდა, ილია მომდევნო დაპირისპირებას ლონდონში ჩასატარებელ ღონისძიებაზე (მარტში) გამართავს. მაშასადამე, ოცნებისკენ სვლაც გაგრძელდება. მოგეხსენებათ, "მატადორის" მიზანი მსოფლიოს ჩემპიონობა გახლავთ.
ილია და ორგანიზაციის პრეზიდენტი დანა ვაითი ერთმანეთს ლას-ვეგასში შეხვდნენ, რამდენიმე დღის წინ კი ოფიციალურად დადასტურდა, რომ ქართველ-ესპანელი ლონდონში იბრძოლებდა. ეს პირველი სიახლეა, მეორე კი ისაა, რომ წონითი კატეგორია შეიცვალა, ახლა "მატადორი" მსუბუქ დივიზიონში გადავა, სადაც გამოდიოდა ხაბიბ ნურმაგომედოვი და დღემდე მონაწილეობს კონორ მაკგრეგორი.
ილიამ დანასგან დაპირება მიიღო, რომ თუ 5 საუკეთესო მებრძოლში მოხვდებოდა, ბრძოლას ესპანეთში ჩანიშნავდა, მოგეხსენებათ, თოფურიას ოცნებაა ბრძოლა სწორედ ესპანეთში გამართოს, რაც EL ESPAÑOL-თან ინტერვიუშიც დაადასტურა:
"ჩემი ოცნება არა მხოლოდ ისაა, რომ UFC-ის ჩემპიონი გავხდე, არამედ მინდა ესპანეთშიც ვიბრძოლო. იქ დიდი ხნის განმავლობაში არ ვმონაწილეობდი და ალბათ, მათთვის ოცნებაცაა ჩემი იქ გამოსვლა" - განაცხადა მებრძოლმა.
ხელმძღვანელთან შეხვედრის შემდეგ ილიამ Eurosport-თან დანას დაპირება გამოააშკარავა:
"ჩემი ოცნება მსოფლიოს ჩემპიონობა და ესპანეთში ბრძოლის გამართვაა. ზუსტ დროს ვერ გეტყვით, თუმცა მითხრა, რომ თუ რეიტინგში 5 საუკეთესო მებრძოლში შევიდოდი, ესპანეთში ვიბრძოლებდი".
გამოწვევა და დაპირება თოფურიამ მიიღო. მსუბუქ წონაში უამრავი გამოცდილი და სხვადასხვა შესაძლებლობის მებრძოლი ელოდება, როგორებიც არიან კონორ მაკგრეგორი, დასტინ პორიე, ჯასტინ გეიჯი, ისლამ მახაჩევი, მაიკლ ჩენდლერი, ტონ ფერგიუსონი და კლასიფიკაციის ლიდერი ჩარლზ ოლივეირა.
თავდაპირველად "მატადორის" კონკურენტი არცერთი ზემოხსენებული მებრძოლი არ იქნება. პირველ რიგში, ჯეი ერბერის დამარცხება მოუწევს. ინგლისელს 1 გამარჯვება და 2 მარცხი აქვს, თუმცა, ამ შედეგისდა მიუხედავად, მაინც საშიშ მებრძოლად რჩება. მოგეხსენებათ, კარიერაში უკვე მოახერხა Cage Warriors-ის ტიტულის მოპოვება" - წერს ესპანური გამოცემა.
!["არ აქვს მნიშვნელობა, ჰავაიში თუ ესპანეთში, თოფურიასთან ბრძოლა მსურს" - "მატადორის" რეაქცია გამოწვევაზე [VIDEO]](/pictures/image7/6b93c4539d6514da2b55cb3719cb2ba3.png "\"არ აქვს მნიშვნელობა, ჰავაიში თუ ესპანეთში, თოფურიასთან ბრძოლა მსურს\" - \"მატადორის\" რეაქცია გამოწვევაზე [VIDEO]")
!["სპორტის ისტორიაში ერთ-ერთ უდიდეს ლეგენდასთან ერთად" - ილია თოფურია ლიონელ მესისა და მაიამის "ინტერის" სხვა ვარსკვლავებს შეხვდა [PHOTOS]](/pictures/image7/258f21279919bb3cf4053911e9d2a5bf.png "\"სპორტის ისტორიაში ერთ-ერთ უდიდეს ლეგენდასთან ერთად\" - ილია თოფურია ლიონელ მესისა და მაიამის \"ინტერის\" სხვა ვარსკვლავებს შეხვდა [PHOTOS]")
!["სად არის ისა?" - თოფურიასა და მამარდაშვილის ვიდეო ვირუსულად ვრცელდება [VIDEO]](/pictures/image7/a5aaa5808879be28d54bc28eb09ae2dc.jpg "\"სად არის ისა?\" - თოფურიასა და მამარდაშვილის ვიდეო ვირუსულად ვრცელდება [VIDEO]")
![ემოციები ნაკრების გასახდელიდან - "კვარამ" თოფურიას საჩემპიონო ქამარი მოირგო [VIDEO]](/pictures/image7/b51373bd68c634cf814b7af29fc2e592.png "ემოციები ნაკრების გასახდელიდან - \"კვარამ\" თოფურიას საჩემპიონო ქამარი მოირგო [VIDEO]")
