20 წლის ვერონიკა ჩერვინსკაია 100 მეტრზე სირბილში რუსეთის ჩემპიონატის ვერცხლისპრიზიორია.
მიუხედავად იმისა, რომ რუსეთში საკმაოდ კარგ შედეგებს აჩვენებს, ჯერ საერთაშორისო გამოცდილება არ აქვს.
ვერონიკას პირველი წარმატება 2015 წელს სმოლენსკში გამართულ რუსეთის ზამთრის ახალგაზრდული თამაშების დროს ჰქონდა. 17 წლის ვერონიკამ 60 მეტრი 8.51 წამში გაირბინა და გამარჯვებულიც გახდა.
2016 წელს უკვე შემდეგ ასაკობრივ კატეგორიაში გადაინაცვლა - U20. უკვე რუსეთის ზაფხულის ახალგაზრდულ ჩემპიონატზე ვერონიკამ 100 მეტრი 13.81 წამში გაირბინა და ოქროს მედალიც მოიპოვა.
შემდეგი წელი ახალგაზრდა სპორტსმენისთვის უფრო წარმატებული გამოდგა. ზამთარში გამართულ
"სამშობლოს თასზე" ვერონიკამ პირველი ადგილი დაიკავა, ახალგაზრდებს შორის ქვეყნის ჩემპიონატში ვერცხლის მედალი მოიგო, ხოლო უკვე რუსეთის ჩემპიონატში ზრდასრულებს შორის ვერონიკა მე-3 ადგილზე გავიდა.
2018 წლის ზამთარში დიდი გამარჯვებები არ ჰქონდა. მხოლოდ ქვეყნის ახალგაზრდული ჩემპიონატი მოიგო, ზრდასრულებს შორის კი ნახევარფინალს ვერ გასცდა.
იმავე წლის ზაფხულში კი, რუსეთის ჩემპიონატში ზრდასრულებს შორის მეორე ადგილი დაიკავა და 100 მეტრი 13.21 წამში გაირბინა.
იმავე წელს, ნაციონალური ჩემპიონატის შემდეგ გამართულ სპარტაკიადაზე ჩელიაბინსკში ვერონიკამ საკუთარი საუკეთესო შედეგი აჩვენა და 100 მეტრის გარბენა 13.03 წამში შეძლო.
20 წლის ასაკში, ვერონიკამ რუსეთის მასშტაბით უკვე ძალიან ბევრ წარმატებას მიაღწია.
ვერონიკა ჩერვინსკაია ჯერ ძალიან ცნობილი არაა რუსულ სპორტულ წრეებშიც კი, რისი მიზეზიც საერთაშორისო ტურნირებში ასპარეზობის ნაკლებობაა. ამის გათვალისწინებით, "ინსტაგრამზე" მხოლოდ 18 000-მდე გამომწერი ჰყავს, თუმცა ახალგაზრდა სპორტსმენს ყველაფერი წინ აქვს.
.
მზად ვარ, ვერონიკას უდიდესი "საერთაშორისო გამოცდილება" მივაღებინო! ნომერი მომწერეთ, თუ შეიძლება :):):)