მომავალ წელს სპორტის მიმართულების დაფინანსება 14 მილიონი ლარით გაიზრდება. როგორც მთავრობის რიგგარეშე სხდომაზე განათლების, მეცნიერების, კულტურისა და სპორტის მინისტრმა მიხეილ ბატიაშვილმა განაცხადა, მომავალ წელს ოლიმპიადა ტარდება და ქართველ ოლიმპიელებს ხელშეწყობა ესაჭიროებათ. მინისტრმა კულტურის სფეროში დაგეგმილი სიახლეებიც მიმოიხილა."კულტურისა და სპორტის მიმართულებით, მომავალი წლიდან დაგეგმილია კულტურის ფონდის ფუნქციონირება, რაც გულისხმობს იმას, რომ კულტურული პროექტების დაფინანსება იქნება გამჭვირვალე პროცესი და კულტურის სფეროს წარმომადგენლებს მიეცემათ მეტი შესაძლებლობები, ექნებათ წვდომა მეტ რესურსთან, რაც მათ საინტერესო პროექტების განხორციელებაში დაეხმარებათ.
სპორტის მიმართულებითაც წლევანდელი წელი განსაკუთრებული წელია.
ბიუჯეტი სფეროების მიხედვით უკვე გათვალისწინებულია. მთავარია ამ ყველაფრის ეფექტურად განხორციელება", - განაცხადა მინისტრმა.
მომზადებულია ipn.ge-ს მიხედვით
![ევრობასკეტი 2021-სთვის თბილისში მრავალფუნქციური სპორტის სასახლე აშენდება [VIDEO]](/pictures/image7/62cd78e0625704f95d9c7ccb8a1bf5c0.jpg "ევრობასკეტი 2021-სთვის თბილისში მრავალფუნქციური სპორტის სასახლე აშენდება [VIDEO]")
