ესპანეთის ქალაქ ვალიადოლიდში დასრულდა მსოფლიოს თასის ეტაპი ბატუტზე ხტომაში, სადაც ქალთა შორის სამი ოლიმპიური თამაშების მონაწილე ლუბა გოლოვინა, ასევე, თეონა ჯანჯღავა და ნანა გოგაშვილი ასპარეზობდნენ. ვაჟთა შორის კი ძალები თენგიზ კოშკაძემ მოსინჯა. გოლოვინამ შესანიშნავად იასპარეზა საკვალიფიკაციო ეტაპზე და ფინალში (რვა საუკეთესოს შორის) მეხუთე ადგილით შევიდა - 105,050 ქულა. იქ კი 49,495 ქულა დაიმსახურა და საბოლოოდ მე-7 ადგილს დასჯერდა.
გოგაშვილმა კვალიფიკაციაში 97,310 ქულა მიიღო და 30-ე ადგილზე გავიდა. ჯანჯღავას მონაგარი კი, 96,750 ქულა და 32-ე ადგილია.
ჩემპიონი, როგორც მოსალოდნელი იყო, ჩინელი ჩუ
ვაჟთა შორის კვალიფიკაციაში თენგიზ კოშკაძემ 64-ე ადგილი დაიკავა და, ცხადია, ფინალს მიღმა დარჩა.
მსოფლიოს ჩემპიონატი ბატუტზე ხტომაში ზუსტად ერთი თვის შემდეგ ბულგარეთის დედაქალაქ სოფიაში გაიმართება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ლუბა გოლოვინამ ვერცხლის მედლის მოპოვების შემდეგ კომენტარი გააკეთა [VIDEO]](/pictures/image7/a7d889d6c6c0e8c0aee53c78e65a9470.png "ლუბა გოლოვინამ ვერცხლის მედლის მოპოვების შემდეგ კომენტარი გააკეთა [VIDEO]")
