"ფორმულა 1"-ის კლასში მსოფლიოს ჩემპიონატის დაწყებამდე აღარაფერი დარჩა - "ავსტრალიის გრანპრი" კარს მოგვადგა და სანამ მექანიკოსები და ინჟინრები ბოლიდებს ჩაჰკირკიტებენ, პილოტები პრომო-აქციებით ირთობენ თავს. ასე მაგალითად, მსოფლიოს ახალგაზრდა ჩემპიონმა სებასტიან ფეტელმა ცხვრის ფარაში შეჰყო ცხვირი და მათი გაკრეჭვის ხელობას დაეუფლა, აი, ფერნანდო ალონსომ და ფელიპე მასამ კი მესაქონლეობას ისევ ლამაზმანის გარემოცვაში ყოფნა ამჯობინეს.
ეს ის შემთხვევებია, როცა ფოტოკადრები სათქმელს უკეთესად ამბობენ.
