ცოტა ხნის წინ ამერიკელმა მედიამაგნატმა რუპერტ მერდოკმა ფორმულა 1-ის შეძენის სურვილი გამოთქვა, თუმცა ძალიან მალე ამ საკითხზე მითქმა-მოთქმა შეწყდა. საინტერესო იყო ამ ჭორის შესახებ "სამეფო რბოლების" ფაქტობრივი მფლობელის ბერნი ექლსტოუნის რეაქცია. თავდაპირველად მან შორს დაიჭირა თავი ამ იდეისგან, თუმცა რამდენიმე დღეში აღიარა, რომ თეორიულად ყველაფერი შესაძლებელია.
ამასობაში, ტელეკომპანია Sky-მ მეტად საინტერესო ინფორმაცია გაავრცელა: მერდოკი ანიელების იტალიურ კლანს შეეკრა და ფონდ CVC Capital Partners-ის შეძენას აპირებს. სწორედ ამ ორგანიზაციას ეკუთვნის კომპანია Delta Topco-ის 63 პროცენტი. Delta Topco კი თავის მხრივ, ფორმულა
კომპანია News Corporation, რომლის მფლობელია მერდოკი და იტალიური საინვესტიციო ფირმა Exor, რომელსაც FIAT-ის პრეზიდენტი ჯონ ელკანი განაგებს, ფინანსურ ოპერაციას ამზადებენ. მიზანი მსოფლიოს ყველაზე პრესტიჟულ სერიაზე კონტროლის დაწესებაა.
"ევროპის ერთ-ერთი უმსხვილესი საინვესტიციო კომპანია Exor და გლობალური მედია-ჯგუფი News Corporation ადასტურებენ კონსორციუმის სავარაუდო შექმნის შესახებ მოლაპარაკებებს, რომლის მიზანია ფორმულა 1-ის მრავალწლიანი განვითარების პროგრამა, - წერია ოფიციალურ განცხადებაში. - უახლოესი რამდენიმე კვირის განმავლობაში Exor და News Corporation გამართავენ მოლაპარაკებებს პოტენციურ პარტნიორებთან და სპორტის წამყვან პერსონებთან. ჯერჯერობით არ არის გარკვეული, მიგვიყვანს თუ არა ეს ფორმულა 1-ის ამჟამინდელ მფლობელებთან დიალოგამდე".
ბრიტანელი ჟურნალისტი ადამ კუპერი ვარაუდობს, რომ Exor-სა და News Corporation-ს, შესაძლოა შეუერთდეს მსოფლიოს უმდიდრესი ადამიანი, მექსიკელი კარლოს სლიმი, რომელიც აქტიურად უჭერს მხარს სხვადასხვა სარბოლო პროექტებს.
