"რედ ბულის" ხელმძღვანელობამ ოფიციალურად დაადასტურა, რომ ავსტრალიელი მარკ უებერი მომავალ წელსაც ავსტრიული საჯინიბოს ბოლიდით ირბოლებს. ეს გადაწყვეტილება გუნდის კონსულტანტმა ჰელმუტ მარკომ გამოაცხადა."უებერი 2012 წელს "რედ ბულში" იქნება, შემდეგ კი თავად მოიფიქრებს როგორ განვითარდება მისი კარიერა, - განაცხადა ჰელმუტ მარკომ. - "რედ ბული" კი ერთი წლის შემდეგ გადაწყვეტს, ვინ გახდება სებასტიან ფეტელის თანაგუნდელი. სავარაუდოდ, ეს იქნება მეორე ავსტრალიელი დანიელ რიკარდო".
შეგახსენებთ, რომ მარკ უებერის კონტრაქტი "რედ ბულთან" ამ წლის ბოლო იწურება.
ყოველდღიური სპორტული გაზეთი "ლელო"
