როგორც ჩანს, გაირკვა "ფერარის" პილოტის ფელიპე მასას ბედი - ბრაზილიელი 2012 წლის ბოლომდე "სკუდერიას" რიგებში დარჩება. ამის შესახებ გამოაცხადა იტალიური ველოსაჯინიბოს შეფმა სტეფანო დომენიკალიმ. როგორც იცით, მასას კონტრაქტს მომავალი წლის ბოლოს ეწურება ვადა, მაგრამ არაერთი ჭორი აგორდა იმასთან დაკავშირებით, რომ ფელიპე წელს თავის ბოლო სეზონს ატარებდა "ფერარის" რიგებში.
"მასა ჩვენთან 2012 წლის ბოლომდე დარჩება. ის ბევრს მუშაობს და ბოლო რბოლებში აშკარად მოუმატა. ხანდახან არ უმართლებს. მაგალითად, გერმანიაში კარგი სტარტი აიღო, მაგრამ ტრაფიკში მოხვდა და წინსვლა გაუჭირდა. როცა მასას კარგი მანქანა
შეგახსენებთ, რომ საერთო ჩათვლაში მასა მეექვსე ადგილზეა, თანაგუნდელი ალონსო - მესამეზე.
* * *
ცნობილმა ფინელმა კიმი რაიკონენმა გერმანიის რალის წინ ინტერვიუ მისცა ერთ-ერთ ფინურ გაზეთს, რომელშიც ფორმულა 1-ის წლევანდელ ჩემპიონატში მიმდინარე მოვლენები შეაფასა.
რალიში მოღვაწე რაიკონენმა საერთო ჩათვლაში "რედ ბულის" პილოტის სებასტიან ფეტელის უპირატესობას უდიდესი უწოდა და საჩემპიონო რბოლაში გერმანელის გამარჯვება იწინასწარმეტყველა.
"ხშირად ხდება ისე, რომ ფორმულა 1-ის ჩემპიონატების დასკვნით ნაწილში ძალთა თანაფარდობა თანაბრდება და ბრძოლა უფრო დაძაბული ხდება, მაგრამ წელს ასე არ იქნება. ფეტელი იმ შემთხვევაშიც შეინარჩუნებს ტიტულს, თუ რბოლების მოგებას ვერ მოახერხებს. ეს უდიდესი უპირატესობაა კონკურენტებზე", - ამბობს ფორმულა 1-ში მსოფლიოს ყოფილი ჩემპიონი.
ფინელმა კომენტარი გააკეთა უკანა მართვადი ანტიფრთის სისტემის (DRS) შესახებ, რომელიც პილოტებს ტრასის სპეციალურ მონაკვეთებზე გასწრებას საშუალებას აძლევს. კიმი არ იწონებს ამ სიახლეს და ამბობს, რომ DRS-ს არაფერია აქვს საერთო რეალურ გასწრებებთან. პილოტს მხოლოდ ღილაკზე თითის დაჭერა სჭირდება სისწრაფეში უპირატესობის მოსაპოვებლად და აქ ნიჭი სულაც არ არის საჭირო.
"ამ სისტემას არაფერი აქვს საერთო ტრასაზე ნამდვილ ბრძოლასთან. მთავარია, მიუახლოვდე მოწინააღმდეგეს, თითი დააჭირო ღილაკს და მეტოქე უკვე ვერაფრის გაკეთებას ვერ შეძლებს. შესაძლოა, ტექნიკურად ფორმულა 1 სწორი მიმართულებით ვითარდება, ეს სისტემა კარგია ტელევიზიისთვის, მაგრამ პირადად მე ეს სიახლე არ მომწონს და ვფიქრობ, სხვა პილოტებიც დამეთანხმებიან ამაში", - აღნიშნა კიმი რაიკონენმა, რომელიც გასულ უქმეებზე გერმანიის რალიში იღებდა მონაწილეობას.
ყოველდღიური სპორტული გაზეთი "ლელო"
