როგორც უკვე აღვნიშნეთ, გერმანელ სებასტიან ფეტელს კვირას, სინგაპურის გრანპრიზე შეუძლია ჩემპიონის მეორე ტიტულის ვადაზე ადრე მოპოვება. ამისთვის აუცილებელია სამი სავარაუდო სცენარიდან ერთ-ერთის შესრულება, - წერს ფორმულა 1-ის ოფიციალური ვებგვერდი.1. ფეტელი იგებს რბოლას, ფერნანდო ალონსო მეოთხე ან უფრო დაბალ ადგილს იკავებს, ჯენსონ ბატონი და მარკ უებერი მესამე ან უფრო ქვედა პოზიციაზე აღმოჩნდებიან;
2. ფეტელი მეორე ადგილზეა, ლუის ჰემილტონი - მესამე ან ქვემოთ, ალონსო - მერვე ან ქვემოთ, ბატონი და უებერი - მეოთხე
3. ფეტელი მესამეზეა, ჰემილტონი - მეოთხე ან ქვემოთ, ალონსო - მეცხრე ან ქვემოთ, ბატონი და უებერი - მეშვიდე ან ქვემოთ.
არსებობს სამი სავალდებულო პირობა: ფეტელი პოდიუმზე უნდა მოხვდეს, ალონსომ რბოლა პოდიუმის მიღმა უნდა დაასრულოს. გარდა ამისა, ჰემილტონის გამარჯვების შემთხვევაში გერმანელი ვადაზე ადრე ჩემპიონი ვერ გახდება.
ყოველდღიური სპორტული გაზეთი "ლელო"
