მართალია, სებასტიან ფეტელი წლევანდელ ჩემპიონატში ყველაზე სწრაფი ავტომრბოლია, მიუხედავად ამისა, ყველაზე მაღალანაზღაურებად პილოტთა სიაში ამ მომენტისთვის მხოლოდ მესამე ადგილს იკავებს. გერმანელი ჩამორჩება უფრო გამოცდილ კოლეგებს - მიხაელ შუმახერსა და ფერნანდო ალონსოს. ამ სეზონში “რედ ბულის” პილოტის წლიური ხელფასი 16 მილიონ ევროს შეადგენს, იმ დროს, როცა “ფერარის” ესპანელი წევრის ჯამაგირი 25 მილიონი ევროა, მსოფლიოს შვიდგზის ჩემპიონისა - 21 მილიონი.
თუმცა გერმანული გაზეთი “ბილდი” იუწყება, რომ ფეტელი ძალიან სწრაფად ეწევა კონკურენტებს. ყოველი გრანპრის მოგებასთან ერთად იზრდება გერმანელის შემოსავალი. ჩემპიონატის მოგებისთვის ფეტელი 6
მსოფლიოს სამგზის ჩემპიონს ნიკი ლაუდას მიაჩნია, რომ ასეთი წარმატება თავგზას ვერ აურევს გერმანელს.
“სხვებისგან განსხვავებით, ფეტელი - ჩამოყალიბებული პიროვნებაა: რესპექტაბელური, პატიოსანი, ნორმალური. მაღალი ჰონორარები მის პიროვნებას არ შეცვლის”, - ამბობს ავსტრიელი ლეგენდა.
ყოველდღიური სპორტული გაზეთი "ლელო"
