მომავალ უქმეებზე სუზუკას ტრასაზე იაპონიის გრანპრი გაიმართება. დიდი ალბათობით შეიძლება იმის თქმა, რომ სწორედ ამ ეტაპზე გაიფორმებს ზედიზედ მეორე ჩემპიონობას "რედ ბულის" პილოტი სებასტიან ფეტელი, რომელსაც საბოლოო მიზნის მისაღწევად ერთი ქულის მოპოვება სჭირდება. თუმცა "მაკლარენის" პილოტები ლუის ჰემილტონი და ჯენსონ ბატონი აცხადებენ, რომ მაქსიმალურად გაურთულებენ საქმეს გერმანელს, თუმცა დარწმუნებული არიან ფეტელის ტრიუმფში.
- მიგაჩნიათ, რომ სინგაპურში შესაძლებელი იყო სებასტიან ფეტელთან ტოლსწორად ბრძოლა?
ჯენსონ ბატონი: ყოველთვის შეიძლება იმაზე მსჯელობა, რა შეიძლებოდა მომხდარიყო ამა თუ იმ სიტუაციაში, მაგრამ იმ რბოლაში ტრაფიკშიც რომ
ლუის ჰემილტონი: გუნდმა შესანიშნავად იმუშავა და დღეს სისწრაფის მიხედვით მეორე ადგილს ვიკავებთ ჩემპიონატში. წინა რბოლებში მანქანა ძალიან კონკურენტუნარიანი იყო, ჯენსონი კი ბოლო ოთხ გრანპრიზე კარგად გაუმკლავდა სამუშაოს. რა თქმა უნდა, ყოველთვის შეიძლება მომატება და ახლა, სწორედ ამით ვართ დაკავებული. გუნდი მუდმივად პროგრესირებს და ამცირებს სხვაობას "რედ ბულთან", რასაც სხვა გუნდებზე ვერ ვიტყვით.
ჯენსონ ბატონი: რაც არ უნდა მოხდეს, სებასტიან ფეტელი მოიგებს ჩემპიონატს. მას დარჩენილ ხუთ რბოლაში მხოლოდ ერთი ქულის მოპოვება სჭირდება. ჩვენ დაძაბული მუშაობა ჩავატარეთ და ბრძოლა გავუმართეთ "რედ ბულს". ვფიქრობ, მალე გამარჯვებასაც ვიზეიმებთ.
- რა გხიბლავთ იაპონიის გრანპრიში?
ლუის ჰემილტონი: მომწონს იაპონიაში მოგზაურობა, რადგან ძალიან ლამაზი ქვეყანაა. ეს წელი მისთვის რთული აღმოჩნდა. ავტოსპორტი მნიშვნელოვანია იაპონიისთვის, იქ "მაკლარენს" ბევრი გულშემატკივარი ჰყავს, ამიტომაც მოუთმენლად ველოდები ამ რბოლას.
- გრძნობთ, რომ სუზუკა ერთ-ერთი ლეგენდარული ტრასაა კალენდარში?
ჯენსონ ბატონი: სავარაუდოდ, სუზუკა ყველაზე რთული ტრასაა ჩემპიონატში. ჯერერთი, მას ურთულესი კონფიგურაცია აქვს, ძალიან სწრაფია და პილოტს ამოსუნთქვის საშუალება არ აქვს. გარდა ამისა, ტრეკი ვიწროა, ამიტომაც შეცდომა ძვირად ფასობს. ეს არის ძველი ყაიდის ტრასა. ერთი შეცდომა - და თქვენ პრობლემები გეწყებათ. ის ძალიან რთულია პილოტირების მხრივ. ვფიქრობ, ამიტომაც გვიყვარს ყველას.
ლუის ჰემილტონი: სუზუკა - ჩქაროსნული ტრასაა ბევრი "რბილი" მოსახვევით, განსაკუთრებით პირველ სექტორში. შემდეგ იწყება ამაღლება, დაღმართს კი საკმაოდ გრძელი სწორი მონაკვეთი მოყვება. აქ ძალიან რთულია გასწრება, ამიტომაც ბევრი რამ არის დამოკიდებული სასტარტო პოზიციაზე.
- რა სიახლეები მოამზადა გუნდმა იაპონიის გრანპრისთვის?
ჯენსონ ბატონი: რამდენიმე ტექნიკური სიახლე გვაქვს სუზუკასთვის. იმედია, ეს საშუალებას მოგვცემს შევამციროთ სხვაობა. არ ვიცი, აგრძელებენ თუ არა "რედ ბულში" მუშაობას წლევანდელ მანქანაზე, რადგან ფაქტობრივად განაღდებული აქვთ ჩემპიონობა. თუ ეს ასე არ არის, მაშინ შევძლებთ გამარჯვებისთვის ბრძოლას.
ლუის ჰემილტონი: სერიოზული მოჭიდების ძალა გვჭირდება. მინდა გუნდმა, რაც შეიძლება დიდი ხანი გააგრძელოს მუშაობა. ეჭვი არ მეპარება, რომ კონკურენტუნარიანები ვიქნებით დარჩენილ რბოლებში.
ჯენსონ ბატონი: სუზუკაში კარგი შედეგი მნიშვნელოვანია ჩემთვის: მიყვარს ეს ქვეყანა და იმედი მაქვს, მაყურებელს საინტერესო რბოლას ვაჩუქებთ.
იაპონიის გრანპრი
ჩატარების ადგილი - სუზუკა, იაპონია
წრის სიგრძე - 5 807 მ
საუკეთესო წრე - 1:31,540 (რაიკონენი, 2005)
საერთო ჩათვლა
1. ფეტელი (რედ ბული) - 309 ქულა
2. ბატონი (მაკლარენი) - 185
3. ალონსო (ფერარი) - 184
4. უებერი (რედ ბული) - 182
5. ჰემილტონი (მაკლარენი) - 168
6. მასა (ფერარი) - 84
7. როსბერგი (მერსედესი) - 62
8. შუმახერი (მერსედესი) - 52
განრიგი
7 ოქტომბერი, 05:00 - I პრაქტიკა
7 ოქტომბერი, 09:00 - II პრაქტიკა
8 ოქტომბერი, 06:00 - III პრაქტიკა
8 ოქტომბერი, 09:00 - კვალიფიკაცია
9 ოქტომბერი, 10:00 - რბოლა
ყოველდღიური სპორტული გაზეთი "ლელო"
