ფორმულა 1-ის წამყვანი გუნდები მომავალი წლისთვის შეინარჩუნებენ შემადგენლობას, მაგრამ ამ დღეებში სატრანსფერო ბაზარზე სიუპრიზები მაინც ვიხილეთ. კიმი რაიკონენი და პედრო დე ლა როსა რბოლებში დაბრუნდნენ - მათ ორწლიანი კონტრაქტები გააფორმეს. თუმცა ფორმულა 1-ის პელოტონში ჯერ ყველაფერი გადაწყვეტილი არ არის.რედ ბული
ზედიზედ მეორე სეზონში ორმაგი გამარჯვება, სტაბილურობა - ავსტრიულ საჯინიბოში შესაცვლელი არაფერია. ფეტელს მრავალწლიანი კონტრაქტი აქვს, უებერს - მხოლოდ 2012 წლის ბოლომდე.
პილოტები: სებასტიან ფეტელი, მარკ უებერი.
მაკლარენი
ბევრს ეგონა, რომ ორი ბრიტანელი ჩემპიონისთვის ერთ გუნდში სიმჭიდროვე იქნებოდა, მაგრამ ტრასაზე
პილოტები: ლუის ჰემილტონი, ჯენსონ ბატონი.
ფერარი
გუნდმა დაადასტურა ფელიპე მასას კონტრაქტი 2012 წლის სეზონში, რომელიც გადამწყვეტი იქნება ბრაზილიელისთვის. ალონსოს მრავალწლიანი კონტრაქტი აქვს.
პილოტები: ფერნანდო ალონსო, ფელიპე მასა.
მერსედესი
ნოემბერში გუნდმა გააგრძელა კონტრაქტი ნიკო როსბერგთან, მიხაელ შუმახერის ხელშეკრულება კი 2012 წლის ბოლოს სრულდება, მაგრამ პილოტსა და გუნდს თანამშრომლობის გაგრძელება სურთ.
პილოტები: ნიკო როსბერგი, მიხაელ შუმახერი.
ლოტუს-რენო
გუნდმა ორწლიანი კონტრაქტი გააფორმა კიმი რაიკონენთან, ხოლო მისი თანაგუნდელის ვინაობა მხოლოდ დეკემბერში გახდება ცნობილი. ვიტალი პეტროვს მომავალი წლისთვის აქვს კონტრაქტი, მაგრამ პილოტის მენეჯერი და გუნდის მფლობელი ხელშეკრულების დეტალებზე მსჯელობენ.
სხვა კანდიდატებს შორის სახელდებიან: რომან გროსჟანი, ბრუნო სენა, ჰეიკი კოვალაინენი და რუბენს ბარიკელო.
პილოტები: კიმი რაიკონენი.
ფორს ინდია
ინდური საჯინიბო ჯერ ვერ ჩამოყალიბდა მომავალი წლის შემადგენლობაზე - ოფიციალურ განცხადებას 15 დეკემბერს ელოდებიან. დიდი ალბათობით შეიძლება იმის თქმა, რომ პოლ დი რესტა დარჩება "ფორს ინდიაში", მეორე ვაკანტურ ადგილზე კანდიდატები არიან: ადრიან სუტილი, ნიკო ჰიულკენბერგი, რუბენს ბარიკელო და ვიტალი პეტროვი.
პილოტები: უცნობია.
ზაუბერი
ივლისის ბოლოს "ზაუბერში" დაადასტურეს კონტრაქტები მომავალი სეზონისთვის - კამუი კობაიაში და სერხიო პერესი რჩებიან გუნდში.
პილოტები: კამუი კობაიაში, სერხიო პერესი
ტორო როსო
2012 წლისთვის "ტორო როსოს" შემადგენლობა შობამდე გამოცხადდება. კანდიდატები ბევრნი არიან: ხაიმე ალგერსუარი, სებასტიან ბუემი, ჟან-ერიკ ვერნი, დანიელ რიკარდო და "რედ ბულის" ახალგაზრდული პროგრამის სხვა მონაწილეები. დადის ჭორები, რომ ალგერსუარი დარჩება, მისი თანაშემწე კი ვერნი გახდება.
პილოტები: უცნობია.
უილიამსი
თუ პასტორ მალდონადო არ დაკარგავს სპონსორულ მხარდაჭერას, მაშინ გააგრძელებს კარიერას "უილიამსში". მის პარტნიორობაზე პრეტენზიას სამი პილოტი აცხადებს: რუბენს ბარიკელო, ადრიან სუტილი და ვალტერი ბოტასი.
პილოტები: უცნობია.
ლოტუსი
ფორმალურად, გუნდმა დაადასტურა შემადგენლობა - ჰეიკი კოვალაინენსა და იარნო ტრულის აქვთ კონტრაქტები, მაგრამ იარნოს ადგილს დანიელ რიკარდოს უწინასწარმეტყველებენ, თუმცა ამისთვის გუნდს კონტრაქტის გაწყვეტა მოუწევს ტრულისთან. მოლაპარაკებები გრძელდება.
პილოტები: ჰეიკი კოვალაინენი, იარნო ტრული.
HRT
პედრო დე ლა როსამ ცოტა ხნის წინ გააფორმა კონტრაქტი და მომავალი წლიდან დაბრუნდება ფორმულა 1-ში. მისი პარტნიორის არჩევა გუნდის სტრატეგიაზე იქნება დამოკიდებული - ბაზარზე ბევრია უკონტრაქტო პილოტები როგორც მუშაობის გამოცდილებით, ასევე სპონსორული მხარდაჭერით.
პილოტები: პედრო დე ლა როსა.
ვირჯინი
ბრაზილიის გრანპრის შემდეგ გუნდმა დაადასტურა კონტრაქტი შარლ პიკთან, რომელიც შემდეგ სეზონში შეცვლის ჟერომ დ'ამბროზიოს. ტიმო გლოკი რჩება გუნდში.
პილოტები: ტიმო გლოკი, შარლ პიკი.
ყოველდღიური სპორტული გაზეთი "ლელო"
