ბრიტანული გაზეთის "დეილი მეილის" ფურცლებზე ფორმულა 1-ის კომერციულმა ბოსმა ბერნი ექსლტოუნმა ისევ გამოთქვა უკმაყოფილება თავისი ქალიშვილების - 27 წლის ტამარასა და 22 წლის პეტრას ცხოვრების სტილზე. ბერნი ამბობს, რომ მისი შვილები ისე არ ხარჯავენ მამის ქონებას, როგორც ამას თავად ბერნი ისურვებდა."მე შევქმენი სპეციალური ფონდი ჩემი ყოფილი მეუღლისთვის და გოგონებს ამ თანხაზე ხელი მიუწვდებათ. იმედი მქონდა, რომ ისინი ამ ფულს გონივრულად გამოიყენებდნენ და აიწყობდნენ საკუთარ ცხოვრებას მომავალ შვილებთან და ოჯახთან ერთად. სამწუხაროდ, ეს ასე არ მოხდა", - ამბობს ბერნი.
ბრიტანული
"მე ვნახე ერთი სერია და ვუთხარი ტამარას - კარგია, თუ შენ მოახერხებ საკუთარი თავის ჩვენებას, მაგრამ ტელევიზია აჩვენებს იმას, რაც მას სჭირდება. შენ ფული გაქვს, მაშინ რაში გჭირდება ეს ყველაფერი?! ბევრი ვილაპარაკეთ, მაგრამ ის სხვანაირად ფიქრობს. მაშინ საკუთარ თავს ვკითხე: რას გააკეთებდნენ მათი ასაკის სხვა გოგონები ასეთი ფინანსური შესაძლებლობები რომ ჰქონდეთ?", - აცხადებს ფორმულა 1-ის შეფი.
ყოველდღიური სპორტული გაზეთი "ლელო"
