წინასასეზონო მეორე ტესტების ბოლო დღეს ვარჯიშს ათი გუნდი აპირებდა, მაგრამ ტრასაზე მხოლოდ ცხრა საჯინიბო მუშაობდა. "მარუსიას" მექანიკოსებმა ჯერ კიდევ სესიის დაწყებამდე უკანა მარჯვენა დაკიდების პრობლემები აღმოაჩინეს. ადგილზე მისი მოგვარება არ მოხერხდა, ამიტომაც გუნდმა უარი თქვა ტესტების გაგრძელებაზე.დანარჩენმა ცხრა გუნდმა პირველივე წუთებიდან დაიწყო მუშაობა. დილით, "უილიამსმა" და "მერსედესმა" რბოლის იმიტაციას მიმართეს, თუმცა ნიკო როსბერგს ხელი შეუშალეს, რადგან პოლ დი რესტას ავარიის გამო ტრასაზე წითელი დროშები გამოფინეს.
"კატერჰემს" ტექნიკური პრობლემები ჰქონდა - გუნდმა ბევრი დრო დაკარგა ძრავის შეცვლის გამო, ასე რომ,
წამყვანი გუნდების პილოტები წრეების გრძელ სერიაზე იყვნენ კონცენტრირებული და რბოლის ოპტიმალურ მახასიათებლებზე მუშაობდნენ. ამ ფონზე საბოლოო ოქმს სათავეში ჩაუდგა კამუი კობაიაში, რომელმაც წრეების მოკლე სერიისას Soft-ის საბურავები გამოიყენა და კვირის საუკეთესო დრო დააფიქსირა - 1.22,312. გარდა ამისა, იაპონელს ეკუთვნის რეკორდი დღის განმავლობაში გავლილი დისტანციის მიხედვით - 145 წრე.
ტესტების მეორე სერია დასრულდა. გუნდების შემდეგი შეკრება ბარსელონაში პირველ მარტს არის დაგეგმილი.
IV დღე
1. კ. კობაიაში (Sauber) 1:22.312 (145 წრე)
2. პ. მალდონადო (Williams) +0,249 (134)
3. პ. დი რესტა (Force India) +0,807 (101)
4. ჯ. ბატონი (McLaren) +0,888 (115)
5. ფ. მასა (Ferrari) +1,251 (103)
6. მ. უებერი (Red Bull) +1,462 (85)
7. ჟ. ვერნი (Toro Rosso) +1,480 (92)
8. ნ. როსბერგი (Mercedes) +1,531 (139)
9. ჰ. კოვალაინენი (Caterham) +4,656 (70)
* * *
"რედ ბულმა" და "ფერარიმ" შეცვალეს ბარსელონაში დაგეგმილი ბოლო ტესტების გრაფიკი.
ორივე გუნდი 2-5 მარტს ჩაატარებს ვარჯიშებს, დანარჩენ საჯინიბოებს კი 1-4 მარტს აქვს დაგეგმილი ტრასაზე გასვლა.
ასეთი რამ შესაძლებელი გახდა ფორმულა 1-ის სხვა გუნდებთან და ავტოსპორტის საერთაშორისო ფედერაციასთან შეთანხმების შემდეგ.
* * *
24 თებერვალს, მსოფლიოს ორგზის ჩემპიონი სებასტიან ფეტელი Silver Laurel Leaf-ის ვერცხლის ქანდაკებით დაჯილდოვდა - ეს გახლავთ გერმანიაში უმაღლესი ჯილდო სპორტის სფეროში.
"ჩემთვის ეს დიდი პატივია. თქვენ, შესაძლოა, იცით, რომ მიყვარს თასებისა და ჯილდოების შეგროვება, მაგრამ ეს პრიზი, რა თქმა უნდა, განსაკუთრებულია ჩემთვის", - ამბობს ფეტელი ESPN-თვის მიცემულ ინტერვიუში.
ყოველდღიური სპორტული გაზეთი "ლელო"
