ტესტების მეორე დღის დილის სესია ძლიერი ნისლის გამო ნახევარი საათის დაგვიანებით დაიწყო, მაგრამ ცხრა საჯინიბოს მუშაობაში ხელი არა უამინდობამ, არამედ დღის განმავლობაში წითელი დროშის გამოფენამ შეუშალა. პილოტებს ხშირად უწევდათ წრეების სერიების შეწყვეტა და ბოქსებში დაბრუნება.შვიდ გუნდში შეცვალეს პილოტი. მხოლოდ "ლოტუსსა" და "ტორო როსოში" დატოვეს პილოტები, რომლებიც წინა დღეს მუშაობდნენ, "უილიამსში" კი დღის გაყოფა გადაწყვიტეს - დილით საჭესთან პასტორ მალდონადო იჯდა, პაუზის შემდეგ ის ბრუნო სენამ შეცვალა. ვენესუელელს ბევრი არაფერი გამოუვიდა - ორი წრის შემდეგ მეხუთე მოსახვევში გაჩერდა. მანქანა სარემონტოდ
წითელი დროშები ტრასაზე უცხო ნივთების აღმოჩენის, ბოლიდების დაზიანებისა და ტრასიდან გადავარდნის გამო ააფრიალეს. ამ მხრივ პრობლემები ჰქონდათ მალდონადოს, შუმახერს (ორჯერ), ვერნს, ფეტელსა და ჰიულკენბერგს. შედეგად, თუ წინა დღეს ექვსმა პილოტმა შეძლო 100 წრეზე მეტის გავლა, გუშინ ეს მხოლოდ სამმა პილოტმა მოახერხა.
საღამოსკენ სიტუაცია სტაბილური გახდა. ფერნანდო ალონსომ და რომენ გროსჟანმა რბოლის იმიტაცია გამართეს, დღის ბოლოს კი გროსჟანი რბოლის იმიტაციაზე გადავიდა და ზედიზედ მეორე დღეს საბოლოო ოქმს სათავეში ჩაუდგა.
"მერსედესი", "მაკლარენი" და "ლოტუსი" პერსპექტიულ ტექნიკურ გადაწყვეტილებებს ტესტავდნენ, "ფერარიში" მუშაობდნენ წინა ანტიფრთის ახალ კონფიგურაციაზე. "ზაუბერს", "ტორო როსოსა" და "ფორს ინდიას" სირთულეები შეექმნათ, მაგრამ თუ კობაიაშიმ და ვერნმა შეძლეს ტრასაზე დაბრუნება, ჰიულკენბერგს პროგრამის ვადაზე ადრე დასრულება მოუწია.
3 და 4 მარტს, ტესტების ბოლო ორ დღეს უფრო ნათლად შევიტყობთ ძალთა თანაფარდობის შესახებ, რადგან გუნდებს დაგეგმილი აქვთ კვალიფიკაციისა და რბოლის იმიტაცია.
II დღე
1. რ. გროსჟანი (Lotus) 1.22,614 (124 წრე)
2. ჟ. ვერნი (Toro Rosso) +0,512 (31)
3. ს. ფეტელი (Red Bull) +0,747 (85)
4. ფ. ალონსო (Ferrari) +0,833 (125)
5. ჰ. კოვალაინენი (Caterham) +1,214 (104)
6. კ. კობაიაში (Sauber) +1,222 (77)
7. ნ. ჰიულკენბერგი (Force India) +1,279 (33)
8. მ. შუმახერი (Mercedes) +1,364 (79)
9. ლ. ჰემილტონ (McLaren) +1,497 (65)
10. ბ. სენა (Williams) +2,311 (48)
11. პ. მალდონადო (Williams) +3,187 (20)
ყოველდღიური სპორტული გაზეთი "ლელო"
