მიუხედავად იმისა, რომ ბაჰრეინის გრანპრის დასრულებამდე ორ კვირაზე ნაკლებია დარჩენილი, ეტაპის ბედი დღემდე გაურკვეველია. სპარსეთის ყურის ამ პატარა ქვეყანაში არეულობამ შარშან ეტაპის გაუქმება გამოიწვია და ახლა, ფორმულა 1-ის ორგანიზატორები არ ჩქარობენ პრინციპული გადაწყვეტილების მიღებას - ამ ინფორმაციას თავად გუნდების წარმომადგენელები ადასტურებენ.
ერთბაშად რამდენიმე წყარო წერს იმის შესახებ, რომ ჩემპიონატის მონაწილეებმა მიიღეს ინფორმაცია: ბაჰრეინის ეტაპის ბედი მხოლოდ 13-15 აპრილს ჩინური სარბოლო უქმეების დროს გახდება ცნობილი. გუნდებს შანხაის რბოლის ფინიშის შემდეგ აცნობებენ - მანამაში გაემგზავრონ თუ საკუთარ ბაზებზე უნდა დაბრუნდნენ.
თუ ეს
* * *
იტალიური ჟურნალის - Autosprint-ის ინფორმაციით, 2013 წელს ფორმულა 1-ის კალენდარში რბოლების რაოდენობა 20-ს არ გადაცდება, ამასთან, გაისად ეტაპების სიას დაემატება ამერიკის (ნიუ ჯერსი) და არგენტინის რბოლები.
ადრე იტყობინებოდნენ იმის შესახებ, რომ 2012 წლის მაისში არგენტინის გრანპრის ორგანიზატორები სამწლიან კონტრაქტს მოაწერენ ხელს ფორმულა 1-ის მთავარ პრომოუტერთან - ბერნი ექლსტოუნთან.
ერთ-ერთი გრანპრი, რომელთანაც არგენტინამ, შესაძლოა, მონაცვლებით ჩაატაროს ეტაპი, ვალენსიის ქუჩის რბოლაა. გარდა ამისა, იტალიური გამოცემა წერს:
"კორეის გრანპრის ორგანიზატორები უკვე ვეღარ ასრულებენ ექლსტოუნის წინაშე ფინანსურ ვალდებულებებს და ალბათ, დატოვებენ კალენდარს".
ყოველდღიური სპორტული გაზეთი "ლელო"
