31 ოქტომბერს ფორმულა 1-ში კიდევ ერთი ტრანსფერი განხორციელდა. ნიკო ჰიულკენბერგის "ზაუბერში" გადასვლის შესახებ ჭორები აქტიურად ვრცელდებოდა, ახლა კი ეს ამბავი ოფიციალურად დადასტურდა. 2013 წელს მისი პარტნიორის ვინაობა მოგვიანებით გაირკვევა...
"ჩვენ ვაკვირდებოდით ნიკოს გამოსვლებს და ის ყოველთვის ახდენდა შთაბეჭდილებას - GP2-ის სერიაში და ფორმულა 1-ში.
ერთ-ერთი მნიშვნელოვანი მომენტია მისი პოული 2010 წელს ბრაზილიაში, რომელიც რთულ პირობებში მოიპოვა - ნიკომ დაამტკიცა, რომ შეუძლია ბოძებული შანსის გამოყენება.
მაგრამ ერთი საქმეა - ეპიზოდური წარმატება და მეორე - სტაბილური შედეგები. ამ მიმართებაში ჩვენ გვჯერა ნიკოსი.
"ზაუბერი" ძლიერი და კონკურენტუნარიანი გუნდია, რომელშიც ახალგაზრდა პილოტები ხშირად აღწევენ კარგ შედეგებს - მოუთმენლად ველი ჩვენი მუშაობის დაწყებას და შევეცდები, გავაგრძელო ეს ტენდენცია.
გუნდი ყოველთვის პროგრესირებს, ამჟამად შესანიშნავ ფორმაშია და დარწმუნებული ვარ, ერთად ბევრს მივაღწევთ", - განაცხადა ჰიულკენბერგმა, რომელიც ამჟამად "ფორს ინდიას" ღირსებას იცავს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
