როგორც უკვე აღვნიშნეთ, სებასტიან ფეტელს აქვს შანსი, აშშ-ის ეტაპზე ვადაზე ადრე გაიფორმოს ტიტული. ბევრს მიაჩნია, რომ სპექტაკლი ბოლომდე გაგრძელდება და ჩემპიონის ვინაობა მომავალ კვირას, ბრაზილიაში გაირკვევა, მაგრამ ფორმულა 1-ის ისტორიაში ყოფილა ექვსი სეზონი, როცა ტიტულის ბედი სწორედ ამერიკულ მიწაზე გადაწყდა. ბოლოს ასეთი რამ ზუსტად 30 წლის წინ მოხდა...
1959
სერბინგში სეზონის ფინალურმა ეტაპმა ჩემპიონის ტიტული ჯეკ ბრებემს მოუტანა: ბოლო მეტრებზე ის თავის მანქანას აწვებოდა და ამ ხერხით უწია ფინიშს მეოთხე პოზიციაზე.
1970
იოხენ რინდტმა, რომელიც მონცაში 5 სექტემბერს დაიღუპა, ერთი
1974
უოტკინს-გლენის ფინალურ ეტაპზე სამ პილოტს ჰქონდა ჩემპიონობის მოგების შანსი, მაგრამ ჯოდი შექტერი დისტანციას ჩამოშორდა, კლეი რეგაცონიმ სამი პიტსტოპი ჩაატარა და ქულები ვერ აიღო. ასე რომ, ემერსონ ფიტიპალდის ეყო მეოთხე ადგილზე გასვლა ჩემპიონობის მოსაპოვებლად.
1977
ტიტულის ბედი ისევ ვადაზე ადრე უოტკინს-გლენში გადაწყდა. ნიკი ლაუდა 1977 წელს აშშ-ის გრანპრიზე დიდი უპირატესობით ჩავიდა. ასე რომ, მეოთხე ადგილმაც კი მას ჩემპიონობა მოუტანა.
1981
ლას ვეგასის ფინალური ეტაპის წინ ნელსონ პიკესა და კარლოს როიტემანს შორის სხვაობა ერთი ქულა იყო. კარლოსს უპირატესობა ჰქონდა და პოულიდან აიღო სტარტი, მაგრამ მალე ჩამორჩა, პიკემ კი წინ გასვლა მოახერხა და პირველად მოიგო ჩემპიონის ტიტული.
1982
ამ წელსაც ყველაფერი ფინალურ რბოლაში გადაწყდა - ლას ვეგასის ეტაპზე კეკე როსბერგს მეხუთე ადგილი ეყო იმისთვის, რომ მოეპოვებინა ტიტული ლეგენდარულ სეზონში, რომელშიც ფინელმა მხოლოდ ერთი რბოლა მოიგო.
ყოველდღიური სპორტული გაზეთი "ლელო"
