ლეგენდარული ბრაზილიელი პილოტის, რუბენს ბარიკელოს ვაჟი პირველად გამოჩნდა ოფიციალურ ავტოშეჯიბრში, რომელიც ამ დღეებში ბრაზილიაში გაიმართა: 11 წლის ედუარდომ მონაწილეობა მიიღო კარტინგში სან პაულუს შტატის თასის გათამაშებაში. Mini Max Rotax-ის კატეგორიაში გამართულ ორ რბოლაში უმცროსმა ბარიკელომ მეშვიდე და მეათე ადგილები დაიკავა.რბოლის წინ ედუარდომ აღიარა, რომ ძალიან მოხარულია დებიუტის გამო, მაგრამ სტარტის წინ ოდნავ ნერვიულობდა. თუმცა გამოცდილმა რუბენსმა, რომელსაც ფორმულა 1-ის ისტორიაში ყველაზე მეტი რბოლა აქვს ჩატარებული, ვაჟს ურჩია, შედეგზე
ვაჟმაც არ დააღალატა "ფერარის" ყოფილი პილოტი და ორივე რბოლა სერიოზული ინციდენტის გარეშე დაასრულა. "მე ვაკეთებდი იმას, რაც მან მითხრა. ვცდილობდი, მუდმივად ბრძოლაში ვყოფილიყავი", - თქვა ფინიშის შემდეგ ედუარდო ბარიკელომ.
"სასიამოვნო იყო იმის ხილვა, თუ როგორ იქცეოდა ის ტრასაზე, როგორ აძლევდა ინტერვიუს, როგორი ანთებული თვალები ჰქონდა, - ასეთი კომენტარი გაუკეთა ედუარდოს დებიუტს რუბენსმა. - მისგან, ალბათ, დიდი მოლოდინი იქნება, რადგან ის უფროსი ბარიკელოს ვაჟია, მაგრამ ამის გამო არ ვნერვიულობ. მთავარი ის არის, რომ ეს მისთვის განსაკუთრებული დღე იყო".
ყოველდღიური სპორტული გაზეთი "ლელო"
ასევე იხილეთ:
რუბენს ბარიკელო ფორმულა 1-ზე ოცნებას არ ეშვება
