"მერსედესის" პილოტი ლუის ჰემილტონი ყველაზე მდიდარი მოქმედი პილოტია ფორმულა 1-ში. ასეთი დასკვნა შეიძლება გამოვიტანოთ იმ კვლევისგან, რომელიც sunday time-ში გამოქვეყნდა.
ლუისის ქონება 60 მილიონ ფუნტად არის შეფასებული. ამავდროულად, იმ სიაში, რომელშიც მოქმედ პილოტებთან ერთად ყოფილი ავტომრბოლებიც შედიან, ჰემილტონმა მხოლოდ მესამე პოზიცია დაიკავა.
2011 წელს sunday time-მა ერთხელ უკვე გამოაქვეყნა მსგავსი სტატისტიკა. იქიდან მოყოლებული, პირველი ორი პოზიცია უცვლელი დარჩა.
ბრიტანეთში ფორმულა 1-ის ყველაზე მდიდარ პილოტად რჩება შოტლანდიელი არისტოკრატი ჯონი დამფრიზი.
1986 წელს ის არც ისე წარმატებით გამოდიოდა "ლოტუსში" იმ მანქანით, რომლითაც
მეორე ადგილი ეკუთვნის "ფერარის" ყოფილ პილოტს ედი ირვაინს, რომელმაც თავისი ქონება 80-დან 83 მილიონ ფუნტამდე გაზარდა.
ლუის ჰემილტონი 50 მილიონით მეხუთე ადგილს იკავებდა, 10 მილიონით გამდიდრდა და მესამე ადგილზე გადაინაცვლა.
მხოლოდ ორი მილიონით ჩამორჩება ლუისს მისი ყოფილი თანაგუნდელი "მაკლარენში" ჯენსონ ბატონი. მეხუთე ადგილზეა სამხრეთ აფრიკაში დაბადებული და ბრიტანეთში მცხოვრები ჯოდი შექტერი - მისი ქონება 57 მილიონ ფუნტს უდრის.
შემდეგ მოდიან: დევიდ კულტჰარდი (53 მილიონი), ნაიჯელ მენსელი (50 მილიონი), სერ ჯეკი სტიუარტი (42 მილიონი)...
ყოველდღიური სპორტული გაზეთი "ლელო"
