"ფერარიმ" ფორმულა 1-ის მომავალი სეზონისთვის ახალი ბოლიდი - F150 წარმოადგინა. ოფიციალურ პრეზენტაციაში, რომელიც მარანელოში გაიმართა, გუნდის მრბოლელი ფერნანდო ალონსო და ფილიპე მასა მონაწილეობდნენ. ახალი ბოლიდის პრეზენტაციაზე სიტყვით საჯინიბოს თავკაცი სტეფანო დომენიკალი წარსდგა:
- ამ მოდელის შექმნისას ჩვენი მთავარი საზრუნავი საიმედოობა იყო. გვსურს, სეზონის პირველსავე რბოლას სრული საბრძოლო მზადყოფნით შევხვდეთ. წინა სეზონში გუნდმა მრავალი სირთულე გადაიტანა, თუმცა ამან უკეთესი ბოლიდის შექმნისკენ გვიბიძგა. რაც მთავარია, ახლა გუნდი საკუთარ ძალებში დარწმუნებულია.
მომზადებულია AP-ის მიხედვით
.
