ბრიტანულ საჯინიბო "მაკლარენში" ახალი ეპოქა იწყება. გუნდის ისტორიაში ყველაზე წარმატებულმა ხელმძღვანელმა რონ დენისმა აღმასრულებელი დირექტორის პოსტი დატოვა.69 წლის დენისს არ სურდა თანამდებობის დატოვება და საკუთარი უფლებების უმაღლეს სასამართლოში დაცვასაც კი აპირებდა, მაგრამ წააგო საქმე და ახლა, სხვა გამოსავალი არ დარჩა გარდა იმისა, რომ პოსტი დატოვოს.
დენისი ფლობს McLaren Group-ის აქციათა 25 პროცენტს, 50 პროცენტი ეკუთვნის ბაჰრეინის საინვესტიციო ფონდს Mumtalakat-ს და კიდევ 25 პროცენტი - რონის ძველ ბიზნეს-პარტნიორს, არაბული წარმოშობის ფრანგ მანსურ ოჯეის.
რამდენიმე წლის წინ, დენისმა
რონ დენისი ერთ-ერთი ცენტრალური ფიგურა იყო ფორმულა 1-ში 1981 წლიდან. სწორედ აქედან მოყოლებული, "მაკლარენი" გახდა ერთ-ერთი ყველაზე წარმატებული გუნდი "სამეფო რბოლების" ისტორიაში "ფერარის" შემდეგ. რონის ხელმძღვანელობით, "მაკლარენმა" 10 ტიტული (ნიკი ლაუდა, ალენ პროსტი, აირტონ სენა, მიკა ჰაკინენი და ლუის ჰემილტონი) და შვიდი კონსტრუქტორთა თასი მოიგო.
ყოველდღიური სპორტული გაზეთი "ლელო"
