უმცროსებში (1997-1998 წლებში დაბადებულნი) 4 გუნდი მონაწილეობდა. ყველას ილიას სახელმწიფო უნივერსიტეტის "ლიგამუსის" წყალბურთელებმა (ჯემალ ზამბახიძე, აკაკი კეჟარაშვილი, ირაკლი რაზმაძე, ილია გიგაური, გოჩა ვადაჭკორია, გუგა ბერიშვილი, ლაშა ბერიშვილი, ნიკოლოზ კორძაია, გიორგი ჭედია, რევაზ იმნაიშვილი, ალექსი ფირცხალავა, მამუკა თუხარელი, ილია დუმბაძე, ვიქტორ გვიმრაძე, მწვრთნელი სოსო მაისურაძე) აჯობეს. მათ ზედიზედ სძლიეს "ტონუსს" (11:3), "დელფინს" (10:7), ბათუმის სპორტსკოლის გუნდს (11:5) და 6
უფროს ასაკშიც (1995-1996 წლებში დაბადებულნი) ლიგამუსელებმა იყოჩაღეს, ოღონდ მეორე გუნდმა (ზურაბ ალანია, მამუკა დავლიანიძე, ვახტანგ კუცია, ლუკა გელაძე, ზურაბ კვირკველია, ლევან მოსაშვილი, ერეკლე წამალაშვილი, გიორგი ჩახნაშვილი, დიმიტრი ვაჩაძე, მიხეილ კიტბაბიკოვი, გიორგი ტოტოღაშვილი, გიორგი ედილაშვილი, მიხეილ მებაღიშვილი, ლაშა კოჩიაშვილი, ნიკოლოზ შუბლაძე, თორნიკე შენგელია, მწვრთნელი ნოდარ ჩხარტიშვილი), რომელმაც "ლიგამუსის" პირველ გუნდს 11:9 აჯობა, "ტონუსს" 15:2 მოუგო, ბათუმს - 14:5, ქუთაისს - 9:1. მეორე-მესამე ადგილები "ლიგამუს-1"-ს და "ბათუმს" ხვდა.
გამარჯვებულები და პრიზიორები აჭარის განათლებისა და სპორტის მინისტრის მოადგილემ დავით თავართქილაძემ და საქართველოს საწყლოსნო სახეობათა ეროვნული ფედერაციის პრეზიდენტმა ალექსანდრე ბითაძემ დააჯილდოვეს.
