უკვე გაუწყეთ, რომ თბილისელმა ოქსანა კალაშნიკოვამ ჩოგბურთელ ქალთა ტორონტოს (კანადა) საერთაშორისო ტურნირზე (საპრიზო ფონდი 2.369.000 დოლარი) პოლონელ ალისია როსოლსკასთან შეწყვილებულმა სტარტზე ეუჟენ ბუშარსა (კანადა) და კირსტენ ფლიპკენსს (ბელგია) სძლია - 4:6, 6:3, 10:7, მეორე წრეში მე-5 ნომრად განთესილ სანია მირზა (ინდოეთი) და ჟიე ჟენი (ჩინეთი) ჩამოიშორა გზიდან - 3:6, 6:1, 10:6.8 აგვისტოს დილით "როჯერს ქაფზე" კალაშნიკოვა-როსოლსკას დუეტის მეტოქე გაირკვა: მეორე ნომრად განთესილმა ეკატერინა მაკაროვას და ელენა ვესნინას (ორივე - რუსეთი) ტანდემმა ერთნაირი ანგარიშით - 6:4, 6:4 დაამარცხა ალა კუდრიავცევა
პირველ ხელში ფავორიტები 3:1 დაწინაურდნენ, მაგრამ ოქსანამ და ალისიამ წონასწორობის აღდგენა შეძლეს - 4-4.
ამის შემდეგ უპირატესობას ისევ რუსები დაეუფლნენ და ზედიზედ ორი გეიმი მოიგეს - 6:4, მეორე სეტში კი ჩვენებურს წარმატების ყოველგვარი შანსი გადაუწურეს - 6:2.
ოქსანა ტორონტოს წყვილთა რეიტინგისთვის 225 ქულით დაემშვიდობა. ეს მონაგარი ჩვენებურს კლასიფიკაციაში აუცილებლად წასწევს წინ.
ყოველდღიური სპორტული გაზეთი "ლელო"
